भुसावळ (प्रतिनिधी) भुसावळ-भादली दरम्यान अप गीतांजलीसह काशी एक्स्प्रेसमधून तोल जावून पडल्याने 25 वर्षीय विवाहितेसह 26 वर्षीय तरुणीचा गुरुवारी दुपारी मृत्यू झाला. पौर्णिमा दिनकर इंगळे (26, सुंदरखेड, ता.बुलढाणा), रचनी चासलाल पारधी (25 रा.पन्ना, मध्यप्रदेश), असे मयत तरुणींचे नाव आहे.
पहिल्या घटनेत पौर्णिमा दिनकर इंगळे ही तरुणी गीतांजली एक्स्प्रेसमधून मलकापूर ते जळगाव दरम्यान प्रवास करीत होती. भादली-वाघूरदरम्यान तोल जावून पडल्याने ती मयत झाली. तरुणीच्या पर्समधील आधार कार्डासह मोबाईलद्वारे तिची ओळख पटली. दुसर्या घटनेत रचनी चासलाल पारधी ही डाऊन काशी एक्स्प्रेसने कल्याणहून पन्नाकडे आई-वडिल व भावासह प्रवास करीत होती. दुपारी तीन वाजेच्या सुमारास ती जनरल कोचमधील वॉश रूममध्ये गेल्यानंतर बाहेर येताच तिचा तोल गेल्याने ती रूळावर पडल्याने तिचा मृत्यू झाला. रचनी पारधी ही विवाहिता कल्याणस्थित आपल्या पतीला भेटण्यासासाठी कुटुंबा कल्याणला गेल्यानंतर परतीच्या प्रवासात ही घटना घडली.
