जळगाव (प्रतिनिधी) लोखंडी सळई देण्याच्या नावाखाली भुसावळच्या गौरव मनवानी या रेल्वे ठेकेदाराची ४० लाखांत फसवणूक झाल्याचा धक्कादायक प्रकार उघडकीस आला आहे. या प्रकरणी श्रीकांत मिश्रा नामक व्यक्ती विरुद्ध गुन्हा दाखल करण्यात आला आहे.
श्रीकांत मिश्रा याने स्टील अॅथरटी ऑफ इंडियाचा कर्मचारी असल्याचे भासवून गौरव मनवानी यांच्याकडून लोखंडी सळईचा माल पुरवतो म्हणून वेळोवेळी ऑनलाईन एनएफटीद्वारे पैसे घेऊन तब्बल ४० लाख ९६ हजार ९२० रुपये घेतले. परंतु मनवानी यांना लोखंडी सळईचा माल न देता आणखी पैशांची मागणी केल्यामुळे शेवटी त्यांनी जळगाव सायबर पोलिसात गुन्हा दाखल केला आहे. पुढील तपास पोलीस निरीक्षक सतीश गोराडे हे करीत आहेत.
