जळगाव (प्रतिनिधी) कानळदा गावाजवळ दुचाकी व रिक्षा यांचा अपघात होऊन कपिल अशोक सपकाळे (२७, रा. भोकर कठोर) हा तरुण ठार झाला. दरम्यान, मयत कपिल तीन बहिणींचा एकुलता एका भाऊ तर वृद्ध आई-वडिलांचा एकमेव आधार होता. ही दुदैवी घटना शुक्रवारी सायंकाळी जळगाव तालुक्यातील कानळदा गावानजीक घडली.
जळगाव तालुक्यातील कठोरा गावातील रहिवासी असलेला कपील हा जळगाव शहरात खासगी नोकरीला होता. नेहमीप्रमाणे काल शुक्रवारी सायंकाळी साडेसात वाजेच्या सुमारास कपिल हा आपल्या दुचाकीने घरी कठोरा जाण्यासाठी कानळदा मार्गे निघाला होता. कानळदा गावाजवळून जात असताना एका अज्ञात मालवाहू ॲपे रिक्षाने समोरून कपिलच्या दुचाकीला जोरदार धडक दिली. या धडकेत कपिलचा जागीच मृत्यू झाला. घटनेनंतर स्थानिक नागरिकांनी घटनास्थळी धाव घेतली. खिशातील कागदपत्राच्या आधारे त्याची ओळख पटली.
मयत कपिलच्या पश्चात आई, आजाराने ग्रस्त असलेले वडील आणि विवाहित तीन बहिणी असा परिवार आहे. भावाचा मृतदेह पाहिल्यावर बहिणींनी काळीज चिरणारा आक्रोश केला. तीन बहिणींचा एकुलता एक भाऊ आणि घरातील कर्ता मुलगा गेल्याने गावात शोककळा पसरली होती. कपिल खाजगी नौकरी करून आई-वडिलांना आधार देत होता. त्याला तीन बहिणी असून, तीनही विवाहित आहेत. वडिलांना पक्षाघात असून, ते घरातच असतात. कपिलच्या मृत्यूने कुटुंबाचा आधारच हिरावला गेला आहे.
