धरणगाव (प्रतिनिधी) तालुक्यातील पिंप्री खु येथून ७ वर्षीय मुलीला पळवून नेल्याची धक्कादायक घटना घडली आहे. याप्रकरणी धरणगाव पोलीस स्थानकात अज्ञात व्यक्तीविरुद्ध अपहरणाचा गुन्हा दाखल करण्यात आला आहे.
यासंदर्भात बालिकेच्या भावाने दिलेल्या फिर्यादीनुसार, दि. २१ एप्रिल २०२२ रोजी धरणगाव तालुक्यातील पिंप्री खु येथून त्यांची बहीण पिंकी (नाव बदलेले) (वय ७) हिस कोणीतरी अज्ञात इसमाने पळवुन नेली आहे. याप्रकरणी धरणगाव पोलीस स्थानकात भा. द. वि कलम ३६३ प्रमाणे अज्ञात व्यक्तीविरुद्ध अपहरणाचा गुन्हा दाखल करण्यात आला आहे. दरम्यान धरणगाव पोलिसांनी अल्पवयीन बालिका आणि संशयित आरोपींच्या शोधार्थ मध्यप्रदेशसह विविध भागात पथक रवाना केले असून पुढील तपास पोलीस निरीक्षक राहुल खताळ यांच्या मार्गदर्शनाखाली पीएसआय अमोल गुंजाळ करीत हे आहेत.
