पारोळा (प्रतिनिधी) कंमरेपासून भाग तुटलेल्या अवस्थेत एक नवजात अर्भक मृत स्थितीत शहरातील हवलदार मोहल्ला परिसरात आज सकाळी आढळून आले. यामुळे पारोळा शहरात एकच खळबळ उडाली आहे.
यासंदर्भात अधिक असे की, शहरातील हवलदार मोहल्ला परिसरात राहणारे इबा (पुर्ण नाव माहिती नाही) यांच्या घरातील महिला आज सकाळी १० वाजता कपडे टाकण्यासाठी छतावर गेले असता त्यांना कंमरेपासून पाय नसलेला स्थितीत एका नवजात अर्भकाचा मृतदेह आढळून आला. घटनास्थळी पोलीसांनी धाव घेतली असून पंचनामा करण्याचे काम सुरू आहे. नेमके हे बालकाच्या पालकांचा थांग पत्ता लागलेला नसला तरी घराच्या छतावर त्याला कुणी आणून टाकले ? कमरे खालचे शरीर छतावर आणून टाकण्यापुर्वी तुटलेले होते की छतावर कुत्र्यांनी त्याचे लचके तोडले ?, अशी अनेक प्रश्न उपस्थित होत आहे.
