जळगाव (प्रतिनिधी) ‘आम्ही तुझ्यावर व तुझ्या मैत्रीवर प्रेम करतो’ असे म्हणत अल्पवयीन मुलीचा वारंवार पाठलाग करुन तिचा विनयभंग केल्याची घटना उघडकीस आली आहे.
याप्रकरणी पाठलाग करणाऱ्या दोघांना पोलिसांनी अटक केली आहे. हा प्रकार महिनाभरापासून तालुक्यातील एका गावात सुरू होता. या प्रकरणी दोघांविरुद्ध नशिराबाद पोलिस ठाण्यात गुन्हा दाखल करण्यात आला आहे.
तालुक्यातील एका गावातील १४ वर्षीय अल्पवयीन मुलीचा गौरव विकास गोसावी (वय २०) व शेख रेहान शेख बबलू (वय २३) दोन्ही रा. नशिराबाद हे महिनाभरापासून पाठलाग करीत होता. दि. १ जुलै रोजी पुन्हा पाठलाग करत त्यांनी ‘तू माझा नंबर घे, मला फोन करत जा’ असे म्हणाले. त्यास मुलीने नकार दिला असता ‘आम्ही तुझ्यावर व तुझ्या मैत्रीवर प्रेम करतो’ असे म्हणत तिचा विनयभंग केला. या प्रकरणी मुलीच्या वडिलांनी नशिराबाद पोलिस ठाण्यात फिर्याद दिली. त्यावरून गौरव गोसावी व शेख रेहान या दोघांविरुद्ध विनयभंग व पोस्को अंतर्गत गुन्हा दाखल करण्यात येऊन अटक करण्यात आले.
