जळगाव (प्रतिनिधी) पाळधी येथे आज सकाळी शौचालयास बसलेल्या दोघांना भरधाव कारने उडविले. या अपघातात एकाचा जागीच मृत्यू झाला तर दुसरा गंभीर जखमी झाला आहे. दरम्यान, घटनास्थळावरून चालकाने कार सोडून पळ काढला आहे.
प्रभाकर दामोदर भावसार (वय-५० रा. सोनारवाडा, पाळधी ता. धरणगाव) आणि गावातीलच शेख मुक्तार शेख उस्मान (वय-६० रा. कसाई वाडा, पाळधी) हे दोघे आज सकाळी ६ वाजेच्या सुमारास गावाच्या बाहेर राष्ट्रीय महामार्गावरील महाराष्ट्र स्वॉमिलजवळ शौचालयाला मोकळ्या जागेवर बसले होते. जळगावकडून पाळधीकडे जाणाऱ्या रस्त्यावर भरधाव वेगाने जाणाऱ्या कारवरील चालकाचा ताबा सुटल्याने कार थेट शेतात जावून दोघांना जोरदार धडक दिली. यात प्रभाकर भावसार हे जागीच ठार झाले. तर शेख मुक्तार हे गंभीररित्या जखमी झाले आहे. आपघात होताच कार चालकाने कार सोडून पळ काढला. दरम्यान, घटना घडताच नागरीकांची मोठी गर्दी जमली होती.
