जळगाव (प्रतिनिधी) येथील डी-मार्ट परिसरात पार्क केलेली दुचाकी चोरट्यांनी चोरून नेल्याप्रकरणी एमआयडीसी पोलीस ठाण्यात अज्ञात चोरट्यांवर गुन्हा दाखल करण्यात आला आहे.
यासंदर्भात अधिक असे की, शहरातील वाघ नगर जिजाऊ नगरातील रहिवासी रविंद्र लोटन न्हावी (वय-३४) सलुन दुकान चालवून कुटुंबाचा उदरनिर्वाह करतात. सोमवार (ता. १३ डिसेंबर) रोजी सकाळी १०.३० ते ११ वाजेच्या दरम्यान शहरातील डीमार्ट येथे काही वस्तू खरेदी करण्यासाठी दुचाकी (एमएच १९ एएच ६९९९) ने गेला. दुचाकी डीमार्ट परिसरातील पार्क केली. खरेदी करून परत आल्यानंतर दुचाकी जागेवर आढळली नाही. दुचाकीचा सर्वत्र शोधाशोध केली मिळाली नाही. याप्रकरणी रविंद्र न्हावी यांनी रामानंदनगर पोलीस ठाण्यात धाव घेतली. रविंद्र न्हावी यांच्या फिर्यादीवरून अज्ञात चोरट्यांवर गुन्हा दाखल करण्यात आला आहे. पुढील तपास पोलीस नाईक चंद्रकांत पाटील करीत आहे.
