अमळनेर प्रतिनिधी । अमळनेर तालुक्यातील भरवस गावातील रेल्वे बोगद्याजवळून अवैधपणे वाळूची वाहतूक करणाऱ्या ट्रॅक्टरवर मारवड पोलीसांनी कारवाई करत मुद्देमाल जप्त करण्यात आला आहे. ही कारवाई शनिवारी ५ ऑक्टोबर रोजी सकाळी ८ वाजता केली आहे. याप्रकरणी सकाळी ११ वाजता मारवड पोलीस ठाण्यात दोन जणांविरोधात गुन्हा दाखल करण्यात आला आहे.
याबाबत अधिक माहिती अशी की, अमळनेर तालुक्यातील भरवस गावातील रेल्वे बोगदा परिसरातून वाळूची अवैधपणे वाहतूक होत असल्याची माहिती मारवड पोलीसांना मिळाली. त्यानुसार पोलीसांनी शनिवारी ५ ऑक्टोबर रोजी सकाळी ८ वाजता कारवाई करत वाळूने भरलेले ट्रॅक्टर क्रमांक (एमएच १९ डीव्ही ७७९८) जप्त केले. चालक अनिल भाऊसाहेब भिल वय २० रा. वारगाव ता.शिंदखेडा आणि प्रफुल्ल हिरालाल पाटील रा. बेटावद या दोघांकडे वाळू वाहतूकीबाबत कोणताही परवानगी नसल्याचे दिसून आले. पोलीसांनी वाळूचे ट्रॅक्टर जप्त केले. याप्रकरणी सकाळी ११ वाजता मारावड पोलीस ठाण्यात पोलीस कॉन्स्टेबल उज्ज्वल पाटील यांनी दिलेल्या फिर्यादीवरून चालक अनिल भाऊसाहेब भिल वय २० रा. वारगाव ता.शिंदखेडा आणि प्रफुल्ल हिरालाल पाटील रा. बेटावद या दोघांवर गुन्हा दाखल करण्यात आला आहे. पुढील तपास पोहेकॉ सचिन निकम हे करीत आहे.
