मुंबई (वृत्तसंस्था) अभिनेत्री राखी सावंत हीच्या आईचं शनिवारी प्रदीर्घ आजारानं निधन झालं. गेल्या तीन वर्षांपासून त्यांना कर्करोगानं ग्रासलं होतं. (Rakhi Sawant Mother Passes Away)
मागील तीन वर्षांपासून जया सावंत यांना प्रकृतीसंदर्भातील गंभीर आजारांनी ग्रासलं होतं. राखी अनेकदा आपल्या आईच्या आजरपणादरम्यानच्या उपचाराचे व्हिडीओ इन्स्टाग्रामवरुन शेअर करायची. तिने सोशल मीडियावरुन आपल्या आईच्या प्रकृतीबद्दल अनेकदा भाष्य केलं आहे. राखीने आपल्या आईवरील उपचारांसाठी सलमान खानने अनेकदा मदत केल्याचा उल्लेख केला होता. सलमान अनेकदा आईच्या तब्बेतीसंदर्भात चौकशी करतो असंही राखी म्हणाली होती. अनेक दिवसांपासून यावर त्या उपचार घेत होत्या, पण अखेर शनिवारी त्यांची प्राणज्योत मालवली. राखीनं स्वतः आपल्या आईचं निधन झाल्याची माहिती दिली आहे.
मुंबईतील टाटा मेमोरियल कॅन्सर हॉस्पिटलमध्ये जया सावंत यांना दाखल करण्यात आले होते. गेल्या काही दिवसांपासून जया यांच्यावर येथेच उपचार सुरू होते. दरम्यान, राखी आईसाठी रात्रंदिवस प्रार्थना करत होती. त्यातूनच ती प्रार्थनेसाठी एका NGO मध्येही पोहोचली होती, जिथे तिने मुलांना आईसाठी प्रार्थना करायला सांगितले होते. मात्र, राखीच्या आईंचे आज निधन झाले. त्यामुळे, राखीवर दु:खाचा डोंगर कोसळला आहे.
