अडावद, ता. चोपडा ( प्रतिनिधी ) – देवझिरी- देवगड परिसरातील जंगलातील एका शेतात अवैध गांजाची १७५ झाडे अडावद पोलिसांनी हस्तगत करत मध्य प्रदेशातील संशयित आरोपीला ताब्यात घेतले आहे. या कारवाईचे नागरिकांकडून स्वागत केले जात असून अवैध मादक पदार्थांचा गोरखधंदा करणाऱ्यांचे धाबे दणाणले आहे.
अडावद पोलीस ठाण्याच्या हद्दीतील सातपुडा पर्वताच्या पायथ्यालगत असलेल्या देवझिरी- देवगड परिसरातील जंगलातील एका शेतात अवैध गांजाची लागवड केल्याची गोपनीय माहिती अडावद पोलिसांना मिळाली होती. या माहितीनुसार पोलिसांनी तत्काळ पथक तयार करून धाड टाकून पंचांसमक्ष पाहणी केली असता शेतात गांजाची लागवड केल्याचे निष्पन्न झाले. पोलिसांनी पंचांसमक्ष जप्ती पंचनामा करून तूर लावलेल्या शेतात अंतर्गत पीक म्हणून लावलेले प्रतिबंधित मादक पदार्थाची अवैध लहान-मोठी अशी एकूण १७५ गांजाची झाडे हस्तगत केली आहेत.
या प्रकरणी मूळ मध्य प्रदेशातील सिंदखेडी (ता. वरला, जि. बडवानी) येथील रहिवासी व सध्या चोपडा तालुक्यातील देवगड (अनेर नदीचा किनारा) येथे राहणाऱ्या संशयित आरोपी देवसिंग रावल्या बारेला याच्याविरोधात अडावद पोलीस ठाण्यात एनडीपीएस कायद्यान्वये गुन्हा दाखल करण्यात आला आहे. ही कारवाई जिल्हा पोलीस अधीक्षक श्रीकांत धिवरे, अपर पोलीस अधीक्षक अशोक नखाते, उपविभागीय पोलीस अधिकारी सुनील पाटील यांच्या मार्गदर्शनात सहायक पोलीस निरीक्षक प्रशांत कंडारे, पोलीस उपनिरीक्षक जितेंद्र सोनवणे, स. फौ. नासिर तडवी, पो.हे.कॉ. संजय विनोद धनगर, शेषराव तोरे, भारत न किरण शिरसाठ, पो.कॉ. भूषण चन पो.कॉ. दिव्या मराठे यांनी केली. दर अडावद पोलीस ठाण्यात नव्यानेच रूजू स.पो.नि. प्रशांत कंडारे यांनी गांजाच करणाऱ्यांना इंगा दाखवत ऐन फुलोऱ्यात लाखोंची एकूण १७५ गांजाची झाडे लागवड केली. तसेच आरोपीला अटक करून पदार्थांची पेरणी, खरेदी-विक्री करणाऱ्या मनात पोलीसी खाक्याचा जरब बसला आहे.
