वाशिम (वृत्तसंस्था) शिवसेना नेते आणि वनमंत्री संजय राठोड सहकुटुंब पोहरादेवीला जाणार असल्याची माहिती आहे. येत्या मंगळवारी (२३ फेब्रुवारी) दुपारी एक वाजता राठोड कुटुंबीय पोहरादेवीला जाणार असल्याचं सूत्रांनी सांगितलं आहे. प्रसारमाध्यमांसाठी नॉट रिचेबल असलेले संजय राठोड हे वाशिम जिल्ह्यातील बंजारा समाजेचे आराध्य दैवत असलेल्या पोहरादेवीला शरण जाणार असल्याची माहिती आहे.
शिवसेना नेते आणि वनमंत्री संजय राठोड सहकुटुंब पोहरादेवीला जाणार असल्याची माहिती आहे. येत्या मंगळवारी (२३ फेब्रुवारी) दुपारी एक वाजता राठोड कुटुंबीय पोहरादेवीला जाणार असल्याचं सूत्रांनी सांगितलं आहे. पूजा चव्हाण आत्महत्या प्रकरणात संशयाच्या भोवऱ्यात अडकलेले राठोड पहिल्यांदाच प्रसारमाध्यमांसमोर येण्याची शक्यता आहे. पोहरादेवीच्या दर्शनानंतर राठोड काय भूमिका घेणार, आरोपांचं खंडन करणार का, याकडे राजकीय वर्तुळाचं लक्ष लागलं आहे. इथं विधीवत पूजा संपन्न झाल्यानंतर आणि संतांचं दर्शन झाल्यानंतर धर्मपीठाला भेट दिल्यानंतर ते या ठिकाणाहून निघतील असंही सांगण्यात आलं आहे. तेव्हा आता या ठिकाणी राठोड माध्यमांशी संवाद साधण्याचीही शक्यता वर्तवण्यात येत आहे. असं झाल्यास ते नेमकं काय बोलणार याकडेच साऱ्यांचं लक्ष लागलं आहे.
माध्यमांशी संवाद साधताना राठोडांच्या पोहरादेवी भेटीबाबत माहिती देणारे जितेंद्र महाराज हे पोहरादेवी बंजारा समाजाच्या धर्मपीठाचे महंत आहेत. पूजा चव्हाण प्रकरणी संजय राठोड यांचं नाव पुढे आलं होतं, त्यानंतर जे कुणी दोषी असतील त्यांना चौकशीनंतर कायद्यानुसार शिक्षा व्हावी असं मत त्यांनी मांडलं. यावेळी मात्र समाजाचा नेत्याला बदनाम करू नये किंवा समाजाला बदनाम करू नये अशी भूमिका मांडत समाजातील लोकांना शांतता राखण्याचा आवाहन केलं.
