नाशिक ( वृत्तसंस्था) शिवसेनेतील बंडखोर आमदारांवर आता सडेतोड टीका होऊ लागली आहे. कृषीमंत्री दादा भुसे यांनी तयार केलेल्या ग्रुपवर लोकांनी सगळ्या बंडखोरांची अक्षरशः चिरफाड केली. मतदार अजुनही शिवसेनेतच आहेत, हे विसरू नका` अशा खोचक शब्दात ग्रुपवरील लोकांनी भुसे यांना टोला लगावला आहे.
भुसे यांच्या ग्रुपवरील एक समर्थक म्हणतो, मुख्यमंत्री आमदारांना वेळ देत नव्हते ही तक्रार आहे. या आमदारांनी तरी कुढे निवडून आल्यावर आम्हाला वेळ दिला. अन्य म्हणतात,बाळासाहेबांची शिवसेना संपली, ही उद्धवजींची शिवसेना आहे, अरे ठाकरे आणि शिवसेना हे वेगळी करून तुम्ही चालवून दाखवा. बाळासाहेबांचा फोटो न लावता जगून दाखवा` असा टोमणा ग्रुपमधील एकाने मारला आहे. या स्वरूपाच्या असंख्य पोस्टमधून बंडखोरांना ट्रोल केले जात आहे.
याच ग्रुपवर बंडखोर व पाणीपुरवठा मंत्री गुलाबराव पाटील यांचा व्हीडीओ अपलोड केला आहे. त्यात गुलाबराव म्हणतात, मतलब के लिए लोग अपने बाप बदल देते है. दादा भुसेनी यांच्यावर टीकास्त्र सोडले आहे. दुसरीकडे समर्थक , जेव्हा मातोश्रीवर चिखलफेक झाली तेव्हा एकटा संजय राऊत नडत होता. बाकीचे राजकीय दीड शहाणे पांढरे कपडे सर्फ एक्सलने धुत होते. शिवसैनिक हे सगळं लक्षात ठेवणार, असही ग्रूपमधील एका सदस्याने म्हटले आहे.
