मुंबई (वृत्तसंस्था) उपमुख्यमंत्री तथा अर्थमंत्री अजित पवार यांना कोरोनाची लागण झाल्यामुळे ते होम क्वारंटाइन झाले असल्याचे वृत्त समोर आल्यानंतर प्रचंड खळबळ उडाली होती. मात्र, अजित पवारांचे पूत्र पार्थ पवार यांनी या वृत्ताचे खंडन केले आहे.
राज्याचे उपमुख्यमंत्री अजित पवार यांना करोनाची लागण झाली असल्याचे वृत्त इंडियन एक्स्प्रेसने सूत्रांच्या हवाल्याने दिले होते. त्यात म्हटले होते की, अजित पवार यांना सौम्य लक्षणं असून मुंबईमधील घरात ते क्वारंटाइन झाले आहेत. दरम्यान अजित पवार यांच्या सर्व बैठका तसंच सकाळी होणारा जनता दरबार रद्द करण्यात आला होता. यावेळी कोणतेही कारण सांगण्यात आले नव्हते. नमुने चाचणीसाठी पाठवले असता अजित पवार यांचा रिपोर्ट पॉझिटिव्ह आल्याचे वृत्तात म्हटले होते. परंतू मात्र, अजित पवारांचे पूत्र पार्थ पवार यांनी या वृत्ताचे खंडन केले आहे. त्यांनी अजित पवार यांना कोरोनाची लागण झाली नसल्याचे एबीपी माझाला सांगितले.
