नशिराबाद (प्रतिनिधी) येथील अखंड हरिनाम कीर्तन व ग्रंथराज श्री ज्ञानेश्वरी पारायण सप्ताह सुरू होऊन त्याचे पूजन सपत्नीक मुकेश माळी यांच्या हस्ते करण्यात आले. या सोहळ्यात सर्व कीर्तनकार यांनी समाज प्रबोधन करून कीर्तनात सर्व भाविकांनी मनसोक्त कीर्तनाचा आनंद लुटला. सप्ताह सांगतेच्या पालखी सोहळ्यात सर्व भाविकांनी भजन म्हणून सहभाग नोंदविला.
या दिंडी सोहळ्यात सर्वांनी वारकरी वेशभूषा करून टाळ, भजन, मृदंगाच्या गजरात सर्व परिसर भक्तिमय करण्यात आला होता. या सोहळ्यास कॅबिनेट मंत्री गुलाबराव पाटील व जिल्हा परिषद उपाध्यक्ष लालचंद पाटील यांनी शुभेच्छा दिल्या तर सोहळ्यात माझी सरपंच विकास पाटील, माजी उप सरपंच किर्तीकांत चौबे, नशिराबाद शिक्षण मंडळ चे कार्याध्यक्ष योगेश पाटील, जनार्दन माळी, गणेश चव्हाण तर श्री हभप सुनिल शास्त्री महाराज, प्रभाकर महाराज, पंकज महाराज, प्रमोद महाराज, विशाल महाराज, रमेश पाटील, सुरेश माळी, संजय महाराज, आबा पाटील, अशोक माळी, महेश माळी, मधूकर महाजन,सुनील माळी, संदीप जगताप, सोपान माळी, संतोष पवार, अशोक पवार, भास्कर पाटील, हेमराज महाजन, तेजस माळी आदी उपस्थित होते.
