चोमू (वृत्तसंस्था) राजधानी जयपूरच्या विश्वकर्मा पोलिस स्टेशन परिसरातील एका बंद खोलीत ११ वर्षीय अल्पवयीन मुलीवर बलात्कार झाल्याची घटना समोर आली आहे. याप्रकरणी विश्वकर्मा पोलिस ठाण्यात तरुणाविरुद्ध गुन्हा दाखल केला आहे. मिळालेल्या माहितीनुसार, आरोपी तरुणही अल्पवयीन मुलीच्या शेजारी राहत होता.
पोलिसांकडून मिळालेल्या माहितीनुसार, आरोपी मोहम्मद इर्शाद हा बिहारमधील समस्तीपूर येथील गावचा रहिवासी असल्याचे सांगितले जाते, तो खोली भाड्याने घेऊन अल्पवयीन मुली च्या शेजारी राहतो आणि मजुरीचे काम करतो. काल सायंकाळी अल्पवयीन मुलाचे वडील त्यांच्या घरी आले असता त्यांनी अल्पवयीन मुलगी घरी नसल्याचे पाहून आजूबाजूला शोध घेतला असता त्यांना संशय आल्याने त्यांनी या इर्शादचं घर गाठलं. इर्शाद याच्या घराला कुलूप होते. खोलीतून किंचाळ्याचा आवाज येत होता. घराचे कुलूप तोडले असता खोलीत अल्पवयीन मुलगी आढळून आली, मात्र इर्शाद जागेवर नव्हता.
येथे अल्पवयीन मुलीने वडिलांना संपूर्ण घटनेची माहिती दिली. इर्शादने मला त्याच्या घरी आणून माझ्यावर बलात्कार केल्याचे सांगितले. यानंतर नातेवाइकांनी विश्वकर्मा पोलिस ठाण्यात बलात्काराचा गुन्हा दाखल केला. पोलिसांनी पोक्सो कायद्यान्वये गुन्हा दाखल करून तपास सुरू केला आहे. आरोपींचा शोध सुरू आहे. या संपूर्ण प्रकरणाचा तपास अतिरिक्त पोलीस अधीक्षक गुरुशरण राव करत आहेत.
