पहूर, ता. जामनेर (प्रतिनिधी) येथील भूमिपुत्र अरविंद देशमुख यांची जिल्हा दूध संघ संचालकपदी निवड झाल्याने पहूर येथे त्यांचा नुकताच सर्वपक्षीय नागरी सन्मान करण्यात आला. शेतमजूर ते दूध संचालक असा संघर्षमय प्रवास त्यांचा आहे.
देशमुख यांचा शेतमजूर ते दूध संचालक संघर्षमय प्रवास !
गिरीश महाजन यांचा बालेकिल्ला म्हणून पहूरची ओळख आहे. या ठिकाणच्या पदाधिकाऱ्यांनी जिल्हा परिषद पद ते आहेत. मात्र, अरविंद देशमुख याला अपवाद ठरले आहेत. शेतमजूर ते महाजन यांचा विश्वासू कार्यकर्ता म्हणून केलेला संघर्षमय प्रवास सर्वश्रुत आहे. विशेष म्हणजे ग्रामविकासमंत्री गिरीश महाजन यांनी भाजपच्या बालेकिल्ल्यातून युवा नेतृत्वाला जिल्हास्तरावर संधी दिली आहे. देशमुख यांची ही निवड आगामी निवडणुकीत दिशा ठरविणारे असल्याची चर्चा आहे.
दुसऱ्या फळीची उभारणीचे संकेत
दुसरी बाब दिल्ली ते गल्ली युवा संघटनात्माक उभारणी. आगामी निवडणुका पाहता देशमुख यांना थेट जिल्हा दूध संघातील मंत्री, खासदार, आमदार व मातब्बर संचालकांच्या पंगतीत महाजन यांनी बसविले आहे. विशेष म्हणजे ग्रामपंचायत सदस्य पद वगळता कोऱ्या पाटीच्या युवा नेतृत्वाला जिल्हा पातळीवर दिलेली संधी ही दुसऱ्या फळीची उभारणी करण्याचे संकेत या निवडीतून मिळाले आहेत.
‘यांची’ होती उपस्थिती
यावेळी सरपंच नीता पाटील, उपसरपंच श्यामराव सावळे, उपसरपंच कसबे, राजू जाधव, केंद्रीय अन्य सुरक्षा समिती सदस्य रामेश्वर पाटील, माजी जिल्हा परिषद कृषी सभापती प्रदीप लोढा, माजी जि.प. सदस्य राजधर पांढरे, माजी सभापती बाबूराव घोंगडे, विकासो माजी चेअरमन किरण खैरनार, संचालक राजेश लोढा, राष्ट्रवादी विधानसभा क्षेत्रप्रमुख शैलेश पाटील, मुख्याध्यापक आर. बी. पाटील, माजी उपसरपंच योगेश भडांगे, रोहयो माजी सदस्य किरण पाटील, माजी उपसरपंच रवींद्र मोरे, भाजप अल्पसंख्याक माजी अध्यक्ष सलीम शेख गणी, धोबी समाज अध्यक्ष चेतन रोकडे, ग्रामपंचायत सदस्य ईश्वर देशमुख, संदीप बेढे, ईश्वर बारी यांच्यासह पदाधिकारी उपस्थित होते. तसेच सामाजिक कार्यकर्ते प्रफुल्ल रायचंद लोढा यांच्यासह जैन समाज बांधवांनी सन्मान केला. तर सूत्रसंचालन शिक्षक गणेश राऊत यांनी केले.
