धरणगाव (प्रतिनिधी) तालुक्यातील पिंपळे शिवारातील नायर पेट्रोल पंम्प जवळील पत्री शेडमधून ७० हजाराचा कापूस चोरीला गेल्याची घटना उघडकीस आली आहे. या प्रकरणी धरणगाव पोलिसात गुन्हा दाखल करण्यात आला आहे.
सविस्तर वृत्त असे की, तालुक्यातील पिंपळे शिवारातील नायर पेट्रोल पंम्प जवळील पत्री शेडमधून १० ते १२ क्विटल किमान ७० हजार रुपये किमतीचा कापूस चोरून नेल्याची घटना दि ११ रोजी रात्री घडली आहे. या प्रकरणी जगदीश शिवाजी पाटील यांनी दि १३ रोजी धरणगाव पोलिसात धाव घेत अनोळखी विरोधात गुन्हा दाखल केला आहे. पुढील तपास पोना.प्रदीप पवार हे करीत आहेत.
