धरणगाव (प्रतिनिधी) येथील रा. ति. काबरे विद्यालय एरंडोल येथील इंग्रजी विषयाचे सेवानिवृत्त शिक्षक संतोष सुर्यवंशी यांची मुले डॉ. अतुल सुर्यवंशी यांनी ‘पोस्ट ग्रॅज्युएट सर्टिफिकेट इन द टिचिंग ऑफ इंग्लिश’ व ज्ञानसागर सुर्यवंशी यांनी ‘एम फिल’ ची पदवी प्राप्त केल्याबद्दल बहुजन क्रांती मोर्चाच्या वतीने अनमोल ग्रंथ भेट देऊन दोन्ही बंधूंना सन्मानित करण्यात आले.
याबाबत सविस्तर वृत्त असे की , श्री शेठ मुरलीधरजी मानसिंगका साहित्य विज्ञान व वाणिज्य महाविद्यालय , पाचोरा जिल्हा – जळगाव येथे कार्यरत इंग्रजी विषयाचे शिक्षक डॉ. अतुल संतोष सुर्यवंशी हे इंग्लिश अँड फॉरेन लँग्वेजेस यूनिवर्सिटी, हैदराबाद या भारत सरकारच्या केंद्रीय विद्यापीठातून ‘पोस्ट ग्रॅज्युएट सर्टिफिकेट इन द टीचिंग ऑफ इंग्लिश’ हा कोर्स ‘बी’ श्रेणीमध्ये उत्तीर्ण झाले आहेत. तसेच ज्ञानसागर सुर्यवंशी यांनी डॉ. बाबासाहेब आंबेडकर मराठवाडा विद्यापीठातून ‘एम फिल ची पदवी प्राप्त केली आहे. सुर्यवंशी बंधूंच्या उत्तुंग शैक्षणिक कामगिरी ची दखल घेत बहुजन क्रांती मोर्चा धरणगाव च्या वतीने दोघांना अनुक्रमे ‘ओळख महामानवांची’ व ‘महात्मा जोतिबा फुले’ हे अनमोल ग्रंथ भेट देऊन गौरविण्यात आले.
याच कार्यक्रमाचे औचित्य साधून जागर जनस्थान न्यूज चॅनेल चे धरणगाव व एरंडोल तालुका प्रतिनिधी भगीरथ माळी , रंगीला नाश्ता सेंटर चे संचालक गुलाब महाजन व साई इंटरप्राइजेस चे संचालक विक्रम पाटील यांच्या अभिष्टचिंतन सोहळ्यानिमित्त ‘बुके न देता बुक देऊन’ सन्मानित करण्यात आले. या मान्यवरांना अनुक्रमे ‘संभाजी महाराज’ , ‘सावित्रीमाई फुले’ , ‘शिवचरित्रातून दादोजी कोंडदेव हटवा’ हे ग्रंथ भेट स्वरूप देऊन पुढील आयुष्यासाठी सदिच्छा व्यक्त करण्यात आल्या.
याप्रसंगी सेवानिवृत्त शिक्षक संतोष सूर्यवंशी , डॉ. अतुल सूर्यवंशी , प्रा. रविंद्र मराठे , बहुजन क्रांती मोर्चाचे तालुका संयोजक आबासाहेब राजेंद्र वाघ , छत्रपती क्रांती सेनेचे जिल्हाध्यक्ष लक्ष्मणराव पाटील , बामसेफचे तालुकाउपाध्यक्ष हेमंत माळी , महासचिव आकाश बिवाल , बुद्धिस्ट इंटरनेशनल नेटवर्क चे तालुकाध्यक्ष निलेश पवार , समर्पण गृपचे अध्यक्ष महेंद्र तायडे , भगीरथ माळी सर , ज्ञानसागर सूर्यवंशी , बालूभाऊ जाधव , सूरज वाघरे , संदीप पचेरवार , गुलाब महाजन , विक्रम पाटील , स्वप्निल यांच्यासह बहुजन क्रांती मोर्चा व सहयोगी संघटनांचे पदाधिकारी मोठ्या संख्येने उपस्थित होते.
