जळगाव प्रतिनिधी : जिल्ह्यात सध्या केळीला समाधानकारक व चांगले दर मिळत आहे. सध्या केळीची आवक घटली असून, मात्र, जुनारी केळी उत्पादक शेतकऱ्यांसाठी हा काळ दिलासादायक ठरत आहे. बहुतांश शेतकऱ्यांकडे जुनारीचे काही प्रमाणात उत्पादन निघत असल्याने त्याला अपेक्षेपेक्षा चांगला दर मिळत आहे. सध्या दर्जेदार केळीला प्रतिक्विंटल १ हजार ७०० ते २ हजार २०० रुपये दर मिळत असून, याचा फायदा शेतकऱ्यांना होत आहे.
जिल्ह्यात डिसेंबर-जानेवारी महिन्यात मोठ्या प्रमाणात केळीची आवक होते. या काळात आवक वाढल्याने व्यापाऱ्यांकडून भाव ठरविताना मनमानी केली जाते, अशी शेतकऱ्यांची तक्रार आहे. केळी बोर्ड भाव मिळत नसल्यामुळे अनेक शेतकऱ्यांना केळी लागवडीवर केलेला खर्चही वसूल करता आला नाही. परिणामी, गेल्या दोन महिन्यांपूर्वी भाव नसल्याने अनेक शेतकऱ्यांनी नाईलाजाने केळी बागा नष्ट केल्याचे चित्र जिल्ह्यात पाहायला मिळाले.
बाजारपेठ निहाय केळी भाव (प्रतीक्विं.)
बुऱ्हानपूर ११७१/१८०१/१६०० रावेर नवती १: १८००, नवती २ : १७००
चोपडा : कांदे बाग १७०० जळगाव : कांदेबाग १७१०
