जळगाव ( प्रतिनिधी ): खरेदी केलेल्या शेतीवर खरेदीची नोंद लावण्याच्या मोबदल्यात पाच हजार रुपयांची लाच मागणाऱ्या जळगाव तालुक्यातील करंज येथील अजय बिडवे या तलाठ्याला लाचलुचत प्रतिबंधक विभागाने रंगेहाथ पकडले. ही कारवाई गुरुवार दि. २६ मार्च रोजी केली. यापक्ररणी तालुका पोलीस ठाण्यात गुन्हा दाखल करण्यात आला आहे.
तक्रारदार यांनी करंज गावालगत शेती खरेदी केली असून त्यांनी खरेदी केलेल्या क्षेत्रावर खरेदी नोंद लावण्यासाठी त्यांनी तलाठी कार्यालयात अर्ज दिला होता. करंज येथील तलाठी अजय बिडवे यांनी नाव लावण्याच्या मोबदल्यात पाच हजार रुपयांच्या लाचेची मागणी केली होती. परंतू तक्रारदाराला लाच द्यावयाची नसल्याने त्यांनी दि. २७ फेब्रुवारी रोजी लाचलुचपत प्रतिबंधक विभागाकडे तक्रार केली होती. तक्रारीच्या अनुषंगाने दि. २७रोजी पंचासमक्ष लाच मागणीची पडताळणी देखील करण्यात आली होती.
संशय आल्याने स्विकारली नाही रक्कम
तक्रारदार हे लालेची रक्कम देण्यासाठी गेले असता, तलाठी
बिडवे यांना संशय आल्याने त्यांनी रक्कम स्विकारली नाही. तरी देखील तालुका पोलीस ठाण्यात तलाठी अजय बिडवे यांच्याविरुद्ध गुन्हा दाखल करण्यात आला आहे.
या पथकाची कारवाई
ही कारवाई लाचलुचपत प्रतिबंधक विभागाचे उपअधीक्षक योगेश ठाकूर यांच्या मार्गदर्शनाखाली पोनि स्मिता नवघरे, हेमंत नागरे, उपनिरीक्षक दिनेशसिंग पाटील, संगिता पवार, बाळू मराठे, अमोल सुर्यवंशी, प्रणेश ठाकूर यांच्या पथकाने केली.
