साकळी ता. यावल (प्रतिनिधी) महाराष्ट्र सरकारने हाती घेतलेल्या “बेटी बचाव, बेटी पढाव” हा जन आंदोलन कार्यक्रम आरोग्य विभाग व एकात्मिक बालविकास विभाग यांच्या वतीने सातोद, कोळवद येथे मोठ्या उत्साहात साजरा करण्यात आला.
११ ऑक्टोंबर रोजी जागतिक बालिका दिन साजरा करण्यात येत असतो. या महत्वपूर्ण दिवसाचे औचित्य साधून “बेटी बचाव, बेटी पढाव” अभियान व्यापक स्वरूपात जनसामान्यांपर्यंत पोहोचण्यासाठी जिल्हा प्रशासनाच्या वतीने वैयक्तिक कृतीचे आयोजन करण्याचे आव्हान जिल्हा अधिकारी अभिजित राऊत यांच्याकडून करण्यात आलेले आहे. गट विकास अधिकारी डॉ. निलेश पाटील व ता. आरोग्य अधिकारी डॉ. फिरोज तडवी यांच्या मार्गदर्शनाखाली डॉ. गौरव भोईटे वैद्यकीय अधिकारी प्रा आ. केंद्र सावखेडासिम व ज्योती टापरे अंगणवाडी पर्यवेक्षिका एकात्मिक बाल विकास विभाग यांच्या संयुक्त विद्यमाने कार्यक्रमाचे अप्रतिम असे आयोजन करण्यात आलेले होते.
जरीना तडवी ह्या मातेने एका बालिकेला जन्म दिला. प्रसूतीनंतर गावात प्रवेश करतेवेळी बालिका व मातेचे रांगोळी व फुलांनी अंगणवाडी सेविका, मदतनीस, आशा सेविका आरोग्य सेवक, आरोग्य सेविका या सगळ्यांनी एकत्र येऊन मोठ्या उत्साहात स्वागत केले. यावेळी उपस्थितांना मुलींच्या जन्माचे व स्त्री शिक्षणाचे महत्त्व पटवून देण्यात आले. आरोग्य सेवक भूषण पाटील, आरोग्य सेविका मेहमुदा तडवी, अंगणवाडी सेविका जयश्री राणे, टोपला बाई मोरे, संध्या चौधरी, व माधुरी बाविस्कर आशा सेविका छायाबाई वाघुळदे, निशा सूर्यवंशी, व सरला गुंजाळ यांनी कार्यक्रम यशस्वीतेसाठी परिश्रम घेतले.
