अकोला (प्रतिनिधी) अकोला एलसीबीने विश्वचषक क्रिकेट सामन्यांवर सुरु असलेल्या बेटिंग रॅकेटचा भंडाफोड केला आहे. एलसीबीच्या पथकाने छापेमारी करत दोन लाख नऊ हजार ५०० रुपयांचा मुद्देमालसह तीन संशयितांना अटक केल्यामुळे खळबळ उडाली आहे.
गोपनीय माहितीवरून कारवाई !
कोतवाली पोलिस स्टेशनच्या हद्दीत येणाऱ्या जुने भाजी बाजारात क्रिकेटच्या विश्व चषकातील सामन्यांवर सट्टा लावल्या जात असल्याची गोपनीय माहिती स्थानिक गुन्हे शाखेचे वरिष्ठ पोलिस निरीक्षक शंकरराव शेळके यांना मिळाली होती. पो.नि. शेळके यांनी तात्काळ आपल्या पथकाला कारवाईचे आदेश दिलेत. त्यानुसार दि. २८ रोजी जुना भाजी बाजार अकोला येथे राहणारा इसम नामे ललीतकुमार सुरेखा हा त्याच्या साथीदारांसह घरात ऑस्ट्रेलीया विरूध्द न्युझीलॅन्ड या क्रिकेट सामन्यावर क्रिकेट सट्टा खेळ चालवित होता.
छापेमारी करत तिघांना अटक !
सुरेखा यांच्या घरात छापा टाकला असता त्याठिकाणी ते साथीदारांसह क्रिकेट बेटींग करतांना मिळूण आले. त्यांच्या सोबत इतर साथीदार नामे यश संजय सुरेखा (वय २२ वर्ष व्यवसाय शिक्षण रा. तुलसीराम अपार्टमेंट, केडीया प्लॉटअकोला), राजकुमार व्दारकादास शर्मा (वय ६२ वर्ष व्यवसाय मजुरी रा. रेणूकानगर, डाबकी रोड अकोला), हे सुध्दा क्रिकेट बेटींग करतांना मिळूण आले. त्यांच्याकडून लॅपटॉप, टॅब, मोबाईल, राऊटर, व क्रिकेट बेटींग चे ईतर साहीत्य मोटार सायकल आणि १७ हजाराची रोकड असा एकुण २ लाख ९ हजार ५०० रूपयांचा मुद्देमाल जप्त करण्यात आला. संशयित आरोपी ललीतकुमार देवीदत्त सुरेखा (वय ६० वर्ष व्यवसाय किराणा दुकाण रा. जुना भाजी बाजार / मटका बाजार अकोला), यश सुरेखा, राजकुमार शर्मा यांना पुढील कार्यवाही करीता पोलीस स्टेशन सिटी कोतवाली यांच्या ताब्यात देण्यात आले आहे.
काही बडे मासे पोलिसांच्या गळाला लागण्याची शक्यता !
दरम्यान, अकोला एलसीबीने विश्वचषक क्रिकेट सामन्यांवरील बेटिंग रॅकेटचा भंडाफोड केला असून पोलिसांच्या राडावर शहरातील क्रिकेट बेटींग घेणारे आणखी काही जण असल्याचे कळते. पोलिसांच्या धडक कारवाईमुळे गुन्हेगारी विश्वात प्रचंड खळबळ उडाली असून काही बडे मासे देखील पोलिसांच्या गळाला लागण्याची शक्यता वर्तवली जात आहे.
यांनी केली कारवाई !
सदरची कारवाई ही पोलीस अधीक्षक अकोला संदीप घुगे , अपर पोलीस अधीक्षक अभय डोंगरे, उपविभागिय पोलीस अधिकारी. सुभाष दुधगावकर, यांचे मार्गदर्शनाखाली सपोनि कैलास डी. भगत, पो. अंमलदार. रविंद्र खंडारे, फिरोज खान, महेंद्र मलिये, अविनाश पाचपोर, अब्दुल माजीद, एजाज अहेमद, भिमराव दिपके, स्वप्नील चौधरी, मपोअं. जोत्स्ना टाले आणि चालक प्रशांत कमलाकर, अनिल राठोड यांनी केली आहे.
