नशिराबाद (प्रतिनिधी) जळगाव तालुक्यातील भादली बु येथील किराणा दुकानासहित दोन घरातून रोख रक्कमेसह सोन्याचे दागिने, असा एकूण एकूण ६ लाख ३४ हजार रुपयांचा मुद्देमाल चोरी झाल्याची घटना उघडकीस आली आहे. याप्रकरणी नशिराबाद पोलीस स्थानकात अज्ञात चोरट्यांविरुद्ध गुन्हा दाखल करण्यात आला आहे.
यासंदर्भात रामचंद्र बाबूराव रडे (वय ५६ रा. रडे वाडा, भादली बु ता.जि. जळगाव) यांनी दिलेल्या फिर्यादीनुसार, त्यांच्या घरातून अज्ञात चोरट्यांनी ७ जून २०२२ रोजी कोणीतरी अज्ञात चोरट्याने ३ लाख ३७ हजार ५०० रुपये किंमतीचे सोन्याचे दागिने चोरून नेले. तसेच दोन वेगवेळ्या घरातून अनुक्रमे १ लाख ६८ हजार रुपये रोख रक्कम, ७० हजार रुपये रोख रक्कम लंपास केली आहे. तर काशिनाथ रडे यांचे किराणा दुकानातील, १२ हजार ५०० रुपये किंमतीच्या दोन सोन्याचे कानात घालण्याच्या साखळ्या. दीपक जनार्धन चौधरी यांच्या बंद घरातून २० हजार रुपये किंमतीची सोन्याची पोत, दीपक जनार्धन चौधरी यांच्या बंद घरातील १२ हजार रुपये रोख, राजेंद्र रमेश चौधरी यांच्या बंद घरातील १४ हजार रुपये किंमतीचा चांदीचा पट्टा, असा एकूण ६ लाख ३४ हजार रुपयांचा मुद्देमाल चोरून नेला आहे. याठिकाणी चिंधु वामन रडे, मुरलीधर कडू रडे, योगेश रामचंद्र झांबरे अशांचे बंद घराचे कुलूप तोडून चोरीचा प्रयत्न केला आहे. या प्रकरणी नशिराबाद पोलीस स्थानकात अज्ञात चोरट्याविरुद्ध गुन्हा दाखल करण्यात आला असून पुढील तपास सपोनि अनिल मोरे हे करीत आहेत.
