जळगाव (प्रतिनिधी) राष्ट्रवादी काँग्रेसचे नेते एकनाथ खडसे यांनी पोलिसांच्या कारवाईचं स्वागत केलं आहे. ‘भाईचंद हिराचंद रायसोनी पतसंस्थेच्या घोटाळ्याप्रकरणी पोलिसांचा तपास योग्य दिशेने सुरू आहे. आज झालेल्या अटकेच्या कारवाईचं स्वागतच केलं पाहिजे. कायद्यापेक्षा कुणीही मोठा नाही. आमदार असो वा कुणी अन्य असो, कायद्यासमोर सर्वच सारखे आहेत, असं खडसे यांनी म्हंटल आहे.
महाजन यांचे कट्टर राजकीय प्रतिस्पर्धी व राष्ट्रवादी काँग्रेसचे नेते एकनाथ खडसे यांनी पोलिसांच्या कारवाईचं स्वागत केलं आहे. ‘भाईचंद हिराचंद रायसोनी पतसंस्थेच्या घोटाळ्याप्रकरणी पोलिसांचा तपास योग्य दिशेने सुरू आहे. आज झालेल्या अटकेच्या कारवाईचं स्वागतच केलं पाहिजे. कायद्यापेक्षा कुणीही मोठा नाही. आमदार असो वा कुणी अन्य असो, कायद्यासमोर सर्वच सारखे आहेत. या प्रकरणात प्राथमिक स्वरुपात कर्जदारांनी ठेवींच्या पावत्या २० टक्के, ३० टक्के दराने तोडून भरणा केलेला दिसतो. त्यामुळंच ही कारवाई झालेली आहे. या प्रकरणाची अद्याप चौकशी सुरू असून जे जे दोषी आढळतील त्यांच्यावर कारवाई झाली पाहिजे,’ असं खडसे यांनी म्हटलं आहे.
भाईचंद हिराचंद रायसोनी अर्थात बीएचआर पतसंस्थेतील गैरव्यवहार प्रकरणी आज १२ संशयितांना अटक केली आहे. अटक झालेल्यांमध्ये माजी मंत्री, आमदार गिरीश महाजन यांचे समर्थक व भाजप आमदार सुरेश भोळे यांच्या मेहुण्याचा समावेश आहे. अटक करण्यात आलेल्या संशयितांमध्ये जामनेर येथील जितेंद्र पाटील, छगन झाल्टे आणि राजेश लोढा यांचा समावेश आहे. यातील जितेंद्र पाटील व छगन झाल्टे हे गिरीश महाजन यांचे कट्टर समर्थक मानले जातात. याशिवाय भाजपचे जिल्हाध्यक्ष आ. सुरेश भोळे यांचे नातेवाईक असलेले सुवर्ण व्यावसायिक भागवत भंगाळे यांनाही अटक झाली आहे. भंगाळे हे भोळे यांचे मेहुणे आहेत. ते जळगावातील प्रतिथयश व्यावसायिक मानले जातात. तर भुसावळातून अटक करण्यात आलेले आसिफ तेली हे देखील भाजप पदाधिकाऱ्याचे पुत्र आहेत.
