जळगाव (प्रतिनिधी) माझे वडिल भागवत गणपत भंगाळे यांनी बीएचआर पतसंस्थेतून २५ लाख रुपये कर्ज घेतले होते, जे संपूर्ण कर्ज नियमानुसार सन २०१८ मध्ये अदा केले आहे, असा खुलासा सागर भंगाळे यांनी माध्यमांना पाठविला आहे.
बीएचआर प्रकरणी झालेल्या कारवाईत भागवत गणपत भंगाळे यांना चौकशीसाठी बोलविण्यात आले आहे. याप्रकरणी सागर भागवत भंगाळे याने वडिलांनी पतसंस्थेतून घेतलेले कर्ज अदा केले असल्याचा खुलासा एका पत्राद्वारे केला आहे. पत्रात म्हंटले आहे की, माझे वडिल भागवत गणपत भंगाळे यांनी बीएचआर पतसंस्थेतून २५ लाख रुपये कर्ज घेतले होते, जे संपूर्ण कर्ज नियमानुसार सन २०१८ मध्ये अदा केले आहे. तसा निरंक – ना हरकत दाखला पतसंस्थेने दिलेला असून कर्जापोटी तारण ठेवलेल्या मालमत्तेवरील बोजासुद्धा पतसंस्थेतर्फे हटविण्यात आलेला आहे.
