जळगाव (प्रतिनिधी) बीएचआर घोटाळ्याचा मुख्य सूत्रधार सुनील झंवरच्या कार्यालयातून जप्त करण्यात आलेल्या काही कागदपत्रांमध्ये अनेक राजकीय लोकांना दिलेल्या पैशाचा हिशोब होता. परंतू हा हिशोब नेमका कसला होता?. याबाबत स्पष्ट माहिती समोर येत नव्हती. पण आता हा पैसा ज्या काळात देण्यात आला. त्याकाळात जळगावची विधानपरिषद निवडणूक होती, अशी खळबळजनक माहिती समोर येत आहे. त्यामुळे कागदपत्रांमधील ‘तो’ हिशोब विधानपरिषद निवडणुकीच्या खर्चाचा असल्याचा संशय व्यक्त केला जात आहे.
जळगाव सुनील झंवरच्या कार्यालयात केलेल्या छापेमारीच्या वेळेस सापडलेल्या अनेक कागदपत्रांमध्ये ८ ते १० स्वतंत्र कागदांवर काही कोट्यावधीच्या रकमेचा हिशोब लिहिलेला आहे. या कागदांवर राजकीय नेत्यांच्या नावानिशी कुणाला किती पैसे दिले याची नोंद आहे. परंतू हा पैसा कशासाठी देण्यात आला होता. तसेच हिशोब नेमका कसला होता?. याबाबत स्पष्ट माहिती समोर येत नव्हती. परंतू आता याबाबतची माहिती हळूहळू समोर यायला लागली आहे. त्यानुसार पैसा ज्या काळात राजकीय लोकांना देण्यात आला. त्याकाळात जळगावची विधानपरिषद निवडणूक होती. त्यामुळे कागदपत्रांमधील ‘तो’ हिशोब विधानपरिषद निवडणुकीच्या खर्चाचा असल्याचा संशय तपास यंत्रणेला आहे.
दुसरीकडे पुणे न्यायालयाने सुनील झंवरला सुनावलेल्या पोलीस कोठडीच्या आदेशात म्हटलेय की, काही राजकीय लोकांना बीएचआरमध्ये गुंतवला तसेच त्यांनी निवडणुकीतच्या काळात खर्च केला. म्हणूनच कागदपत्रांमधील ‘तो’ हिशोब विधानपरिषद निवडणुकीच्या खर्चाचा असल्याचा संशय व्यक्त केला जात आहे. दरम्यान, याच विधानपरिषद निवडणुकीच्या खर्चाबाबत जिल्ह्यात मोठी चर्चा झाली होती. दुसरीकडे बीएचआर घोटाळ्यात जळगावात पोलिसांच्या हाती लागलेल्या एका कथित डायरीत तब्बल २२१ कोटींचा हिशोब लिहिलेला असल्याची जोरदार चर्चा काही दिवसांपूर्वी सुरु झाली होती. या कथित डायरीतील हिशोबामुळे एक माजी मंत्री आणि त्याच्याकडे कार्यरत असलेला तत्कालीन बडा अधिकारीही रडारवर येणार असल्याचे बोलले जात होते.
(विजय वाघमारे 9284058683)