भुसावळ (प्रतिनिधी) तालुक्यातील खडकागावा जवळ खडका रोडला लागून असलेले इंडियन ऑइलच्या पेट्रोल पंपाजवळ आज दुपारी भरधाव आयशरच्या धडकेत रिक्षा चालक जागीच ठार झाला आहे. तर रिक्षातील दोन अन्य प्रवाशी किरकोळ जखमी झाले आहेत.
या संदर्भात अधिक असे की, आज दुपारी साडेचार वाजेच्या सुमारास सहा चाकी आयशर गाडी क्र (एम.एच. ०४- इ.वाय. ९६०८) खडका गावाकडे जात असताना रिक्षा क्र (एम.एच १९- वाय०४०८) ही खडका गावातून भुसावळ शहराकडे जात असताना आयशरने समोरून येणाऱ्या रीक्षाला जोरदार धडक दिली. या अपघातात रिक्षाचालक इस्माईल मुना पिंजारी (वय- ५०, रा.खडकारोड लाल बिल्डिंगजवळ, अन्सार उल्ला नगर) हे जागीच ठार झाले तर. रिक्षामध्ये प्रवास करणारा इस्माईल पिंजारी यांचा मुलगा आबिद इस्माईल पिंजारी व भाचा आमीन कासम पिंजारी हे दोघं किरकोळ जखमी झाले आहेत. शेवटचे वृत्त हाती आले तेव्हा याबाबत बाजारपेठ पोलीस स्थानकात अपघातीचे बाबत गुन्हा नोंद होण्याचा काम सुरू होते.