जळगाव (प्रतिनिधी) खुनाचा प्रयत्न, जबरी चोरी, दंगल सारखे गंभीर गुन्हे करणाऱ्या पाच गुन्हेगारांच्या एका टोळीला जळगाव जिल्ह्यातून हद्दपार करण्यात आली आहे. पोलिसांच्या या कारवाईमुळे गुन्हेगारी वर्तुळात खळबळ उडाली आहे.
एमआयडीसी पो.स्टे. कडील हद्दपार प्रस्ताव क्र. ०४/२०२३ प्रमाणे टोळी प्रमुख हितेश संतोष शिंदे (वय २५), संतोष उर्फ जांगो रमेश शिंदे (वय ४५ ), आकाश उर्फ नागतोडया संजय मराठे (वय २२), सुमीत उर्फ गोल्या संजय मराठे (वय २७), संजय देवचंद मराठे (वय ५०, सर्व रा. चौगुले प्लॉट कांचन नगर जळगाव) यांचे विरुध्द शनिपेठ पो.स्टे. जिल्हा पेठ, एमआयडीसी, जळगाव शहर पोलीस स्टेशनला खुनाचा प्रयत्न, जबरी चोरी, दंगल, दुखापत, घातक हत्यार बाळगणे, मारामारी, शिवीगाळ, दमदाटी, आदेशाचे उल्लघन या सदराखाली एकुण ०७ गंभीर स्वरुपाचे गुन्हे दाखल आहेत. संशयितांनी गुन्हे टोळीने केलेले आहेत.
या पाचही जणांची टोळी जळगाव शहरात ठिक ठिकाणी दहशत पसरवितात. यामुळे गरिकांमध्ये भिती निर्माण होऊन नागरिकांचे जिवीतास व जंगम मालमत्तेस धोका निर्माण झालेला होता. त्यांना जळगाव जिल्हयांतील सार्वजनीक शांतता सुव्यवस्था अबाधीत ठेवण्याबाबत त्यांच्याविरुध्द वेळोवेळी प्रतिबंधक कारवाई करुन सुध्दा त्यांच्या वर्तनात सुधारणा झालेली नाही. सदर हद्दपारीचा प्रस्ताव शनिपेठ पो. स्टे. चे पो. नि. रंगनाथ धारबळे, सफौ/संजय शेलार, पोह/अश्वीन हडपे, परिष जाधव, पोकॉ/ राहुल पाटील, अनिल कांबळे, राहुल घेटे, मुकूंदा गंगावणे अशांनी सदरचा प्रस्ताव तयार करुन पोलीस अधीक्षक एम. राजकुमार यांच्याकडे सादर केला होता.
पोलीस अधीक्षक एम. राजकुमार यांनी प्रस्तावाची चौकशी अंती पाचही जणांना दोन वर्षाकरीता जळगाव जिल्हयांतून हद्दपार आदेश पारित करण्याचे आदेश काढले. सदर हद्दपारीच्या प्रस्तावाचे कामकाज स्थानिक गुन्हे शाखेचे वरिष्ठ पोलीस निरीक्षक किसन नजन-पाटील यांच्यासह पोलीस अंमलदार सफौ/युनूस शेख इब्राहिम, पोहेकॉ सुनिल पंडीत दामोदरे यांनी पाहिले आहे. तर सदर हद्दपार प्रस्तावाची चौकशी जळगाव उपविभागीय पोलीस अधिकारी संदीप गावीत यांनी केली होती.
