बोदवड (प्रतिनिधी) विद्यापीठ कार्यक्षेत्रातील २०२१/२०२२ या वर्षीचा उत्कृष्ट महाविद्यालय पुरस्कार कला वाणिज्य विज्ञान महाविद्यालय ,बोदवड या महाविद्यालयास कुलगुरु प्रा व्ही एल माहेश्वरी यांच्या शुभहस्ते नुकताच प्रदान करण्यातआला. सदर पुरस्काराचे वितरण विद्यापीठ नामविस्तार दिनानिमित्त विद्यापीठात नुकतेच करण्यात आले.
उत्कृष्ट महाविद्यालय पुरस्कार मिळाल्याबद्दल संस्थेचे चेअरमन मिठूलाल अग्रवाल ,उपाध्यक्ष अजय जैन सचिव , विकासभाऊ कोटेचा , ॲड. प्रकाशचंद्र सुराणा आणि सर्व संचालक मंडळ , प्राचार्य प्राध्यापक अरविंद चौधरी, उपप्राचार्य डॉ.व्ही. पी. चौधरी, सर्व प्राध्यापक वर्ग तसेच शिक्षकेतर कर्मचारी यांचे सर्व स्तरातून अभिनंदन करण्यात येत आहे.
सदर पुरस्कार मिळविण्यासाठीचे विविध निकष महाविद्यालयाने पूर्ण केले आहेत. स्पीड फ्री इंडिया, समृध्द वाचनकक्ष, रीडिंग,पर्यावरणपूरक उपक्रम, युवकांसाठीचे व महिला सबलिकरणासाठीचे, संशोधनात्मक उपक्रम,यंग रिसर्च अवार्ड ,स्वच्छता अवार्ड, करोना काळातील समुपदेशन व मानसिक आरोग्य,लसीकरनावरील जनजागृती, विविध संघटना फाउंडेशनतर्फे मिळालेले प्रमाणपत्र, पाणी व्यवस्थापन, मत्स्यशेती यासारख्या विविध विषयांवर कार्यशाळा , विविध राष्ट्रीय चर्चासत्रांचे आयोजन केल्याबददल सदर पुरस्कार प्राप्त झाला आहे असे डॉ रुपेश मोरे यांनी सांगितले.
