पुणे (वृत्तसंस्था) पिंपरी चिंचवड (Pimpari Chinchwad) आणि कसबा पेठ (Kasba Peth) विधानसभा मतदार संघाच्या पोटनिवडणुकांची तारीख जाहीर करण्यात आली आहे. येत्या फेब्रुवारी महिन्यात 27 तारखेला ही पोटनिवडणूक (By Poll Election) होणार आहे, अशी माहिती राज्य निवडणूक आयोगाकडून देण्यात आली आहे.
उत्तर पूर्वेतील ३ राज्यांच्या विधानसभा निवडणुकांची घोषणा करण्यात आली आहे. त्यानुसार, मेघालय आणि नागालँड राज्यात २७ फेब्रुवारी रोजी मतदान होणार असून त्रिपुरामध्ये १६ फेब्रुवारी रोजी मतदान पार पडणार आहे. दरम्यान, तिन्ही राज्यांची मतमोजणी २ मार्च रोजी होणार आहे.
निवडणूक कार्यक्रम कसा?
निवडणूक आयोगाच्या कार्यक्रमानुसार, 31 जानेवारी 2023 रोजी उमेदावारांची नामांकन अर्ज भरण्याची प्रक्रिया सुरु होईल.
07 फेब्रुवारी 2023 पर्यंत ही अर्ज भरण्याची शेवटची मुदत असेल.
08 फेब्रुवारी 2023 उमेदवारी अर्जांची छाननी होईल.
10 फेब्रुवारी 2023 रोजी शुक्रवारी अर्ज परत घेण्याची तारीख असेल.
27 फेब्रुवारी 2023 रोजी या जागांसाठीचं मतदान पार पडेल.
02 मार्च रोजी मतमोजणी होईल.
