अमळनेर (प्रतिनिधी) अमळनेर को.ऑप. अर्बन बँकेच्या शतकमहोत्सवी वर्षानिमित्त भव्य सभासद व ग्राहक मेळाव्याचे आयोजन छत्रपती शिवाजी महाराज नाट्यगृहात दिनांक २९ मे २०२५ रोजी सकाळी ११ वाजता करण्यात आले आहे. या वेळी बँकेच्या अद्ययावत सुविधांनी सुसज्ज, नूतनीकरण केलेल्या भव्य इमारतीचे लोकार्पण राज्याचे सहकार मंत्री ना. बाबासाहेब मोहनराव पाटील यांच्या हस्ते होणार आहे.
कार्यक्रमाच्या अध्यक्षस्थानी जिल्ह्याचे पालकमंत्री ना. गुलाबराव रघुनाथ पाटील हे असतील. प्रति पंढरपूर वाडी संस्थानचे गादीपती प.पू. ह.भ.प. संत प्रसाद महाराज यांची आशिर्वादपर उपस्थिती लाभणार आहे. यावेळी जलसंपदा मंत्री ना. गिरीश दत्तात्रय महाजन, खासदार सौ. स्मिता उदय वाघ, माजी मदत व पुनर्वसन व आपत्ती व्यवस्थापन मंत्री आमदार अनिल भाईदास पाटील यांच्या हस्ते बँकेच्या विविध दालनांचे उद्घाटन होईल.
तसेच आमदार अमोल चिमणराव पाटील आणि आमदार सत्यजित सुधीर तांबे यांच्या हस्ते विविध सभासद, ग्राहक व ठेवीदारांचा सन्मान करण्यात येणार आहे. कार्यक्रमास माजी आमदार डॉ. बी. एस. पाटील, कृषिभूषण माजी आमदार साहेबराव पाटील, माजी आमदार शिरीष हिरालाल चौधरी, महाराष्ट्र राज्य सहकारी बँक असोसिएशनचे अध्यक्ष विश्वासराव जयदेव ठाकूर, महाराष्ट्र अर्बन को.ऑप. बँक फेडरेशनचे अध्यक्ष अजय जव्हेरीलाल ब्रम्हेचा, जळगाव जिल्हा नागरी सहकारी बँक असोसिएशनचे अध्यक्ष चंद्रहास गुजराथी, सहकार भारतीचे संघटनमंत्री दिलीप रामू पाटील, सहकार आयुक्त दीपक तावरे, विभागीय सहनिबंधक संभाजी निकम, सहकार भारती प्रशिक्षण संस्थेचे अध्यक्ष संजय बिर्ला, जिल्हा निबंधक गौतम बालसाने, अमळनेर सहाय्यक निबंधक कुणाल सोनार, व्ही. एम. जगताप आदी मान्यवर उपस्थित राहणार आहेत.
या भव्य समारंभाला अमळनेर अर्बन बँकेचे सर्व सभासद, ग्राहक, ठेवीदार व हितचिंतक यांनी मोठ्या संख्येने उपस्थित राहावे, असे आवाहन बँकेचे चेअरमन पंकज मुंदडे, व्हाइस चेअरमन रणजित शिंदे, संचालक प्रविण जैन, लक्ष्मण महाजन, भरतकुमार ललवाणी, प्रदीप अग्रवाल, दीपक साळी, अभिषेक पाटील, प्रविण पाटील, पंडित चौधरी, मोहन सातपुते, सौ. वसुंधरा लांडगे, डॉ. मनीषा लाठी, अँड. व्ही. आर. पाटील, अँड. विजय बोरसे तसेच बँकेचे व्यवस्थापक अमृत पाटील यांनी केले आहे.
