चाळीसगाव (प्रतिनिधी) तालुक्यातील तळोंदे प्र.दे. येथे पत्नीवर चारित्र्याचा संशय घेत तिचा खून केल्यानंतर स्वतःही गळफास घेत आत्महत्या केल्याची खळबळजनक घटना २६ रोजी सायंकाळी (मंगळवार) उघडकीस आली. लक्ष्मीबाई (२६) व गोपाल पावरा उर्फ बारेला (३०) असे मयत पती-पत्नीचे नाव आहे.
तालुक्यातील पिंप्री बुप्र.दे. येथे शिवाजी शामराव पाटील यांचे तळोंदे प्र.दे.शिवारात शेत आहे. या शेतातील पत्र्याच्या खोलीत मध्य प्रदेशातील (रा.तारापूर ता.जि. गुना) येथील गोपाल सत्त्तरसिंग पावरा (बारेला) (वय ३०) व त्याची पत्नी लक्ष्मीबाई (वय रु.) हे आदिवासी दाम्पत्य आठ दहा दिवसापूर्वी शेत कामानिमित्त आले होते. सोमवार, २६ रोजी सायंकाळी ५ वाजेच्या सुमारास गोपाल पावरा हा घरात गळफास घेतलेल्या तर लक्ष्मीबाई ही लोखंडी पलंगावर मृतावस्थेत आढळले, त्याच्या नातेवाइकांनी ही माहिती शेत मालकाला दिली.
लक्ष्मीबाई हिच्या तोंडात कापडाचा बोळा कोंबून तिचा दोरीने गळा आवळल्याने तिचासुद्धा मृत्यू झाल्याचे आढळले. मेहुणबारेचे सह, पोलिस निरीक्षक प्रविण दतरे, उपनिरीक्षक विकास शिरोळे यांनी घटनास्थळी धाव घेत घटनेचा पंचनामा केला. याप्रकरणी मृत गोपाल पावराविरुद्ध उपनिरीक्षक विकास शिरोळे यांच्या फिर्यादीवरून मेहुणबारे पोलिस स्टेशनला गुन्हा दाखल केला.
याप्रकरणी मृतांच्या नातेवाइकांचे जाब जबाब घेतले असता, त्यात मयत गोपाल बारेला हा त्याची पत्नी लक्ष्मीबाई हिच्या चारियावर संशय घेवून तिला शिवीगाळ, मारहान करून तिला मारण्याची धमकी देत असे. त्यावरून गोपाल यानेच त्याची पली लक्ष्मीबाई हिच्या चरितामा संशयावरून अथवा किरकोळ कारणावरून वाद होऊन तिच्या तोंडात कापडाचा बोळा देऊन तिचा दोरीने गळा आवळून खून केला व स्वतः गळफास घेऊन आत्महत्या केली असावी, असे सांगितले.
