चाळीसगाव (प्रतिनिधी) ईलेट्रीक प्रवाही तारामंध्ये स्पार्किंग होऊन त्याची ठिणगी सुकलेल्या मक्यात आग लागल्याने चाळीसगाव तालुक्यातील भोसर बु येथील शेतकऱ्याचे ६ लाखाचे नुकसान झाले आहे. याप्रकरणी चाळीसगाव पोलीस ठाण्यात गुन्हा दाखल करण्यात आला आहे.
यासंदर्भात राजेंद्र आनंदा पाटील (वय ३८, रा. भोरस बु ता. चाळीसगाव) यांनी दिलेल्या फिर्यादीनुसार, दि. १६ एप्रिल २०२२ रोजी शेत गट नं. १६१/१, व १६१/२ मध्ये शेता वरील ईलेक्ट्रिक प्रवाही तारांमध्ये स्पार्किंग होऊन ठिकगी पडुन त्यात साडेचार एकर मधिल सुकलेला मका व प्लॅस्टीक ठिंबक नळ्या जळुन सुमारे ६,००,००० (सहा लाख रुपयाचे) नुकसान झाले असुन सदर आगीत कोणीही जखमी नाहीत. याप्रकरणी चाळीसगाव पोलीस ठाण्यात गुन्हा दाखल करण्यात आला आहे. पुढील तपास सपोनि रमेश चव्हाण करीत आहेत.
