जामनेर (प्रतिनिधी) तालुक्यातील लंपी आजाराची गंभीर दखल घेत ग्रामविकास मंत्री नामदार गिरीश महाजन यांनी जिल्हाधिकारी अभिजीत राऊत यांना आज सकाळी पहूर येथे तातडीने रवाना केले. तसेच जळगाव जिल्ह्यात लंपी व्हॅक्सिनेशन करण्यासाठी एक कोटी रुपयाचा निधी शासन स्तरावर उपलब्ध करून देण्याचे निर्देश दिले. दुर्दैवाने मृत्युमुखी पडलेल्या गुरांचा पंचनामा करून तात्काळ दहा हजार रुपयाची मदत देण्याचे आदेशही जिल्हा प्रशासनाला देण्यात आले आहेत.
जामनेर तालुक्यातील पहूर येथे आज सकाळी दहा वाजता जळगाव जिल्हाधिकारी अभिजीत राऊत यांच्या उपस्थितीत ग्रुप ग्रामपंचायत सभागृहात लोकप्रतिनिधी व पशुसंवर्धन मालक यांची संयुक्त बैठक आयोजित करण्यात आली होती. या बैठकीत जिल्हाधिकारी अभिजीत राऊत यांनी पशुसंवर्धनावर आलेल्या लपी आजाराने ग्रस्त असलेल्या पशुसंवर्धन मोठ्या प्रमाणात लस उपलब्ध होऊन सर्व पशुसंवर्धन मालकांनी लस्सीकरण ताबडतोब करून घ्यावे. ग्रामपंचायत मदत करावी असे आव्हान केले. त्यानंतर पहूर कसबे येथील समाधान कचरे यांच्या बैलाला लंपी आजाराने बांधीत झालेल्या बैलाची अभिजीत राऊत यांनी पाहणी केली. तसेच येथील पशुवैद्यकीय दवाखान्यात जाऊन डॉक्टर राठोड यांच्याशी येथील परिस्थिती सविस्तर माहिती घेतली.लवकरात लवकर अतिरिक्त डॉक्टर उपलब्ध करून देणार असल्याचे जिल्हाधिकारी अभिजीत राऊत यांनी सांगितले.
याप्रसंगी सरपंच लोकनियुक्त नीताताई पाटील, सरपंच शंकर जाधव, अरविंद देशमुख, माजी जिल्हा परिषद सदस्य राजधर पांढरे, गणेश पांढरे, उपसरपंच श्याम सावळे, उपसरपंच राजू जाधव, माजी उपसरपंच रवींद्र मोरे, मुख्याध्यापक आर.बी. पाटील, चेतन रोकडे, बंडू पाटील, भाजपा शहराध्यक्ष संदीप बेढे, भारत पाटील, पशुवैद्यकीय अधिकारी राठोड, तलाठी जैन, माजी सरपंच लक्ष्मण गोरे, पंचायत समिती सदस्य योगेश भडांगे यांच्यासह नागरिक मोठ्या संख्येने उपस्थित होते.
