औरंगाबाद (वृत्तसंस्था) दसऱ्या मेळाव्यातील भाषणात माझ्या भारताची तुलना पाकिस्तान आणि बांग्लादेश या दहशतवादी व मुस्लीम राष्ट्राशी करून माझ्या भारताचा अपमान केला आहे, असा आरोप करत एकाने थेट राज्याचे मुख्यमंत्री उद्धव ठाकरे यांच्याविरुद्ध पोलिसात तक्रार दिली आहे.
मुख्यमंत्री उद्धव ठाकरे यांनी दसरा मेळाव्यात खणखणीत भाषण करत भाजपवर जोरदार टीकास्त्र सोडले होते. यावेळी, उद्धव ठाकरे यांनी पाकिस्तान आणि बांग्लादेशचा उल्लेख केला होता. त्यामुळे औरंगाबाद येथील अॅड.रत्नाकर भिमराव चौरे या वकिलाने मुख्यमंत्री उद्धव ठाकरे यांच्याविरोधात बेगमपुरा पोलीस स्टेशनमध्ये तक्रार दिली आहे. उद्धव ठाकरे यांनी दसरा मेळाव्याच्या आपल्या भाषणात माझ्या भारताची तुलना पाकिस्तान आणि बांग्लादेश या दहशतवादी व मुस्लीम राष्ट्राशी करून माझ्या भारताचा अपमान केला आहे, व माझी धार्मिक भावना भडकावली आहे’, असा आरोपच अॅड.रत्नाकर चौरे यांनी केला आहे.
