वरणगाव (प्रतिनिधी) शहरातील प्रभाग क्रमांक दोनमध्ये आयोजित शिबिरात दोन तासात शंभर नागरीकांना कोरोना लसीकरण करण्यात आले. मंगळवारी दुपारी १२ वाजता बढे वाड्याजवळील मुस्लिम समाज पंच कमेटीच्या हॉलमध्ये आपला माणूस संतोष माळी मित्र परीवाराच्यावतीने या लसीकरण शिबिराचे आयोजन करण्यात आले.
या कॅम्पच्या उद्घाटनप्रसंगी मुस्लिम समाज पंच कमेटीचे अध्यक्ष हाजी जमील खान टेलर, उपाध्यक्ष शेख करमोद्दीन, पंच फिरोज शेख, माळी समाजाचे अध्यक्ष संजय माळी, जाफरअली मकसूदअली उर्फ हिप्पीशेठ यांची उपस्थिती होती.
जिल्हाधिकारी अभिजीत राऊत यांच्या आदेशाने प्राथमिक आरोग्य केंद्र कठोरा यांच्या टीमतर्फे लसीकरण मोहिमेला सहकार्य करण्यात आले. शहराच्या तथा वॉर्डाच्या सुरक्षेच्या दृष्टिकोनातून आपला माणूस संतोष माळी मित्र परीवरातर्फे आजच्या लसीकरण कॅम्पचे आयोजन करण्यात आले. वॉर्डातील जास्तीत-जास्त नागरीकांनी लसीकरण करून घ्यावे, असे आवाहनही संतोष माळी यांनी केले होते.
लसीकरण मोहिमेत वैद्यकीय अधिकारी डॉ.सीमा सोनवणे, आरोग्य सहाय्यक व्ही.आर.सारडे, आरोग्य सेवक मनोज माळी, ज्ञानेश्वर प्र.माळी, आरोग्य सेविका सी.जी.भोळे, एल.एम.लोखंडे, गटप्रवर्तक कल्पना भंगाळे, आशा स्वयंसेविका सरला गावंडे, निर्मला चौधरी, सुनीता भोई, मनिषा भोई, ऑपरेटर गौरव माळी यांचे सहकार्य लाभले. यशस्वीतेसाठी अय्युब खान, अजमल खान, आवेस खान, अझहर खान, इद्रिस खान, विवेक माळी, हर्षल माळी, तेजस माळी, निखिल माळी, पवन माळी, कुणाल माळी, पवन माळी अतुल माळी, बाळा माळी, सचिन माळी, किरण माळी, सागर माळी, भूषण माळी यांच्यासह आपला माणुस मित्र परीवाराने परीश्रम घेतले.
