जळगाव (प्रतिनिधी) नातेवाईकांना अश्लिल मॅसेज पाठऊन बदनामी करत खंडणी स्वरुपात पैशांची मागणी केल्याप्रकरणी सायबर पोलिस स्थानकात मोबाईल क्रमांक धारक व व्हॉट्सअॅप क्रमांक धारक यांच्याविरुद्ध गुन्हा दाखल करण्यात आला आहे.
यासंदर्भात भुसावळ येथील एका २८ वर्षीय तरुणाने फिर्यादीनुसार, दि. २९ मार्च २०२२ ते दि. ८ जून २०२२ चे दरम्यान निलेश जाधव यांनी Cash Advance नावाचे ऑनलाईन लोन देणारे मोबाईल अॅप्लीकेशन इंन्स्टॉल केले होते. त्याद्वारे त्यांनी वेळोवेळी २ लाख २९ हजार ९४ रुपयांचे ऑनलाईन लोन घेतले असता ८८ लाख ८१० रुपये सर्व्हिस चार्ज कापुन राजेश (नाव बदलेले) यांच्या SBI Bank खात्यात एक लाख ४० हजार २५४ रुपये जमा झाले होते. अज्ञात मोबाईल धारकांनी राजेश यांना ७ दिवसांचे आत पैशांची मागणी केली असता वेळोवेळी १ लाख ४० हजार २५४ रुपये यावरील व्याज ५३ हजार ५६४ रुपये असे एकुण १ लाख ९३ हजार ८१८ रुपये भरले आहेत. परंतू तरी देखील राजेश यांनी जर पुन्हा पैसे भरले नाही तर तुझी व तुझ्या कुटुंबाची बदनामी करु. तसेच तुमचा सिव्हील स्कोअर खराब करु अशी धमकी दिली. तसेच राजेश यांच्या मोबाईल मधील डाटा चोरुन नातेवाईकांना अश्लिल मॅसेज पाठऊन बदनामी करुन खंडणीची स्वरुपात पैशांची मागणी करत आहे. याप्रकरणी सायबर पोलिस स्थानकात मोबाईल क्रमांक धारक व व्हॉट्सअॅप क्रमांक धारक यांच्याविरुद्ध गुन्हा दाखल करण्यात आला आहे. तसेच पुढील तपास पोलीस निरीक्षक लिलाधर कानडे हे करीत आहेत.
