जळगाव : बद्रीनाथ-केदारनाथ येथे गेलेले शिरसोली प्र.बो. येथील दौलत शामराव खलसे (वय ६५) यांचे हृदयविकाराच्या झटक्याने निधन झाले.
दौलत खलसे यांच्या पश्चात पत्नी, दोन मुले, मुलगी, नातू असा परिवार आहे. परिसरातील ५० भाविक नऊ दिवसांपूर्वी बद्रीनाथ, केदारनाथ यात्रेसाठी गेले आहेत. त्यात खलसे दाम्पत्याचाही समावेश आहे. १२ ऑक्टोबर रोजी संध्याकाळी दौलत खलसे हे केदारनाथ मंदिरात घोड्यावर बसून जात असताना हृदयविकाराचा झटका आला व त्यातच त्यांचा मृत्यू झाला. यावेळी पत्नी शोभा या त्यांच्यामागे चालत होत्या. घटनेची माहिती मिळताच मयत दौलत खलसे यांचे पुत्र जयंत खलसे व शिरसोली येथील युवासेना उपजिल्हाध्यक्ष विकास चौधरी हे पार्थिव घेण्यासाठी रवाना झाल्याचे दौलत खलसे यांचे पुतणे नाना खलसे यांनी सांगितले.
