पिंप्री ता. धरणगाव (प्रतिनिधी) येथून जवळच असलेल्या चावलखेडा रेल्वे स्थानकाजवळ एकाचा आज अपघाती मृत्यू झाल्याची दुर्दैवी घटना घडली आहे. दरम्यान, मयत हा पिंप्री येथील एका लग्नसमारंभात आला असल्याचे कळते. अनिल अरुण अहिरे (वय 34, रा. शिरपूर ता.होळनांते), असे मयत युवकाचे नाव आहे.
मयत अनिल हा लग्नानिमित्त पिंप्री येथे आला असल्याची प्राथमिक माहिती मिळत आहे. दरम्यान रेल्वेने काही नातेवाईक येणार असल्याने तो त्यांना घ्यायला गेला होता. परंतु, नातेवाईकाला घेण्यासाठी गेल्यावर रेल्वेस्टेशनवर अपघात झाल्याचे कळते. मयत अनिल अहिरेच्या पश्चात आई-वडील पत्नी आणि दोन मुले असल्याचे कळते. घटनास्थळी धरणगाव पोलीस पोहोचल्यानंतर पंचनामा करून मृतदेह धरणगाव ग्रामीण रुग्णालयात शवविच्छेदनासाठी पाठविण्यात आला होता. ग्रामीण रुग्णालयात चर्मकार महासंघाचे राष्ट्रीय उपाध्यक्ष भानुदास विसावे यांच्यासह अन्य सामाजिक पदाधिकाऱ्यांनी धाव घेतली होती.
