धरणगाव (प्रतिनिधी) येथील तहसील कार्यालयात घर ते घर सर्वे संदर्भात उपजिल्हा निवडणूक अधिकारी यांनी आढावा बैठक घेतली. या बैठकीत उपजिल्हाधिकारी डॉ. श्रीकुमार चिंचकर यांनी कामकाजाचा आढावा घेत मतदान केंद्रस्तरीय अधिकारी यांना नवीन ओळखपत्र वाटप केले.
आढावा बैठकीत निवडणूक कामी घर ते घर सर्वे, मयत मतदार, दुबार मतदार, अपंग मतदार, अस्पष्ट छायाचित्र या सर्वांची विस्तृत अशी माहिती घेतली. आदर्श बीएलओ ज्ञानेश्वर पाटील, पी.डी.पाटील तसेच सर्व बीएलओ यांच्या कामाचे कौतुक केले. तसेच धरणगाव पॅटर्न संपूर्ण जिल्ह्यात राबवणार असल्याचे ते म्हणाले.
याप्रसंगी तहसीलदार महेंद्र सूर्यवंशी, नायब तहसीलदार सी.बी. देवराज, गटशिक्षणाधिकारी डॉ. भावना भोसले, लिपीक महेंद्र पवार तसेच बीएलओ ज्ञानेश्वर पाटील, पी. डी. पाटील, मनोहर मोरे, समाधान पाटील, जालंदर पाटील, लक्ष्मण पाटील तसेच तहसील कार्यालयाचे अधिकारी, कर्मचारी उपस्थित होते.
