धरणगाव (प्रतिनिधी) तालुक्यातील चावलखेडे फाट्याजवळ एका कारला अपघात झाल्यानंतर शिंदे गटाचे शिवसैनिक मदतीला धावून आल्यामुळे साळवा येथील वृद्धाचे प्राण वाचले आणि त्यांना वेळीच उपचार मिळाले.
या संदर्भात अधिक असे की, आज रोजी बाळासाहेबांची शिवसेनेचे पदाधिकारी पाळधी येथे एका कार्यक्रमाला हजेरी लावण्यासाठी जात होते. यावेळी चावलखेडे फाट्याजवळ साळवा येथील रहिवाशी कोल्हे परिवाराच्या कारला अपघात झाला होता. यावेळी भानुदास विसावे,विलास महाजन ,वाल्मीक पाटील, तौसीफ पटेल, बुट्या पाटील, पवन महाजन, विनोद चव्हाण, नरेंद्र पाटील, पप्पू भोई यांनी तात्काळ आपल्या खाजगी वाहनात जखमींना घेत धरणगाव ग्रामीण रुग्णालयात दाखल केले. तसेच डॉक्टरांना तात्काळ बोलून कोल्हे बाबा, त्यांची पत्नी आणि कार चालकावर उपचार करण्यास मदत केली. हा अपघात नेमका कसा झाला याची माहिती समोर आलेली नाही. परंतू एका अपघातग्रस्त वृद्धासह त्यांच्या परिवाराला मदत करणाऱ्या शिंदे गटाचे शिवसैनिकांचे परिसरातून कौतुक होत आहे.
