धरणगाव (प्रतिनिधी) शहराची शुक्ल यजुर्वेदीय ब्राह्मण समाज मंडळाच्या वार्षिक सभेत समाजाची कार्यकारणी जाहीर करण्यात आली.
सर्वप्रथम श्री याज्ञवस्क्य ऋषी प्रतिमेचे पूजन करून सभेला सुरूवात करण्यात आली. मागील संचालक मंडळाच्या पूर्ण पाच वर्षांचा कार्यकाल पूर्ण झाल्याने जुनी कार्यकारिणी बरखास्त करुन नंतर नवीन कार्यकारिणी तयार करण्यात आली. नवीन संचालक मंडळ स्थापन करण्यात आले असून अध्यक्षपदी डॉ. किशोर भालचंद्र भावे, उपाध्यक्ष ललित प्रभाकर उपासनी, खजिनदार हेमंत वसंतराव जोशी, मानद सचिवपदी नीलेश वासुदेव पाठक यांची बिनविरोध निवड करण्यात आली. अन्य सदस्य म्हणून डॉ. अरुण कृष्णाजी कुलकर्णी, विनय शशिकांत भावे, महेश सुरेंद्र भावे, उदय विजय भावे, पंढरीनाथ वसंत पंडित, दत्तात्रेय वासुदेव भट, श्रीकांत दत्तात्रय वैद्य यांना घेण्यात आले.
