मुक्ताईनगर (प्रतिनिधी) शहरातील बस स्टॅन्डच्या समोरील पूजा सुपर शॉपीच्या समोरील रस्ताच्या डिव्हाईडर जवळ मोटार सायकलवरून आलेल्या दोघांनी एकाच्या हातातून धूम स्टाईल दोन लाखांची रोकड लांबवल्याची घटना उघडकीस आली आहे.
दि. ३ रोजी दुपारी १२ वाजेच्या सुमारास भगवान विश्वनाथ पाटील (वय ६५,धंदा शेती रा. पिंप्रीपंचम ता. मुक्ताईनगर) हे पानटपरीवरुन पुजा शॉपीकडे परत पायी रस्ता ओलांडत होते. रस्ताच्या डिव्हाईडर जवळ पोहचत असतांना बोदवड चौफुलीकडून येणाऱ्या रोडाने एक मोटार सायकलवर दोन अनोळखी इसम मोटार सायकल जोरात चालवत आले व त्यांनी भगवान पाटील यांच्या हातातील हिरव्या रंगाची कापडी पिशवी लांबवली.
या पिशवीत २ लाख रुपये रोख व बँकेचे पासबुक व चेकबुक असलेली पैशाची कापडी पिशवी एक मोटार सायकलवरील दोन अज्ञात इसमांनी जोरात ओढून हिस्कावून घेतले. त्यानंतर परिवर्तन चौकाकडे जाणाऱ्या रोडाने जोरात मोटार सायकल नेत पळ काढला. पुढील तपास पोउनि राहुल बोरकर हे करीत आहेत.
