रावेर (प्रतिनिधी) मुस्लिम तरुणांना मारहाण केल्याप्रकरणी रावेर पोलीस स्टेशनचे पोलीस निरीक्षक नागरे, सपोनि नाईक, उपनिरीक्षक सोनवणे यांची हकालपट्टी करा व चौकशी करून कडक कायदेशीर कारवाई करण्यात यावी, अशी एकमुखी मागणी जळगाव व रावेर येथील अल्पसंख्यांक समाजाकडून करण्यात आली आहे.
४ नोव्हेंबर रोजी रावेर पोलीस स्टेशनचे पोलीस निरीक्षक कैलास नागरे, सहाय्यक पोलीस निरीक्षक शितल कुमार नाईक, पोलीस उपनिरीक्षक विशाल सोनवणे, पोलीस कॉन्स्टेबल विशाल पाटील, सचिन घुगे व इतरांनी मिळून रावेर येथील हमाली काम करणारे मोहम्मद बाबर तसेच मजुरी करणारे अमजद शेख हाफिज, मुजाहिद शेख हाफिज, नफीस शेख हाफिज, शेख हाफिज हुसेन, शेख आवेज शकील यांना पोलीस स्टेशन मध्ये बोलवून कोणतेही कारण नसताना त्यांना गंभीर स्वरूपाची मारहाण केली. जाती वाचक शिवीगाळ करून त्यांच्याकडून पैशाची मागणी करणारे वरील सर्व पोलीस अधिकाऱ्यांच्या व कर्मचाऱ्यांच्या विरोधात ५ व ६ नोव्हेंबर रोजी अब्दुल रहमान शेख करीम यांनी पोलीस उपविभागीय अधिकारी फैजपुर व पोलीस अधीक्षक जळगाव यांच्याकडे दिलेल्या तक्रारीनुसार सदर प्रकरणाची एसआयटीच्या माध्यमाने चौकशी करावी व तीन दिवसात संबंधित पोलिस अधिकारी व कर्मचारी यांच्यावर कडक कायदेशीर कारवाई करण्यात यावी, अशी एकमुखी मागणी करण्यात आली आहे.
जळगाव व रावेर येथील शिष्ट मंडळाने घेतली पोलीस अधिक्षकांची भेट
या शिष्टमंडळात जळगावतर्फे मनियार बिरादरीचे अध्यक्ष फारुक शेख व उपाध्यक्ष सय्यद चाँद, एम आय एम जिल्हाध्यक्ष शेख अहमद हुसेन व महानगराध्यक्ष दानिश अहमद, काँग्रेस आईचे महानगराध्यक्ष नदीम काझी, शिवसेना अल्पसंख्यांक महानगराध्यक्ष जाकिर पठाण, राष्ट्रवादी काँग्रेस व हुसैनी सेनाचे अध्यक्ष फिरोज शेख, शिकलगर बिरादरीचे अन्वर खान, मेहरून एम आय एमचे इमरान खान, नजर फातेमा पिरजादे यासह रावेरचे आसिफ शेख दारा, फिरोज खान गुलाब खान, रहमान मालक लूकमान मलक, शेख सलीम इमाम, अब्दुल रहमान करीम, इमरान खान इक्बाल खान, शेख कलीम शेख अजीज, अमजद खान नसरूल्ला खान व शेख हमीद शेख रफिक आदींची उपस्थिती होती.
