वरणगाव (प्रतिनिधी) ओम सिद्ध गुरु नित्यानंद प्रतिष्ठानतर्फे माँ नर्मदा परिक्रमा यशस्वी पूर्ण झाल्याने कुमारिका पूजन, भोजन आणि भंडाराचे आयोजन वासुदेव नेत्रालयच्या सुनियोजित जागेवर करण्यात आले होते. त्यावेळी येणाऱ्या भाविकांना “नर्मदेश्वर महादेव लिंग” डॉ. पाटील दाम्पत्य यांच्या हस्ते भेट देण्यात आले.
भुसावळ येथील रहिवासी तथा वासुदेव नेत्रालय वरणगावचे संचालक डॉक्टर नि.तु. पाटील यांनी नुकतीच माँ नर्मदा माता परिक्रमा पूर्ण केली. त्या निमित्ताने डॉ. पाटील यांचा स्वागत समारंभ, कुमारीका पूजन आणि महाप्रसादाचे आयोजन करण्यात आले होते. त्यावेळी येणारा प्रत्येक भाविकाला श्रावण महिन्याचे औचित्य साधत , कायमस्वरूपी आठवण राहावी म्हणून 261 नर्मदेश्वर महादेव लिंगाचे वाटप करण्यात आले. या कार्यक्रमाला पंचक्रोशीतील धार्मिक, सामाजिक, राजकीय व्यक्तींचा सहवास लाभला.
माँ नर्मदा मातेच्या परिक्रमा सांगता वेळी परिसरातील जवळपास 51 कुमारीकांचा पाद्यपूजन करून त्यांना भेटवस्तू देत प्रसाद भोजन देण्यात आले. तसेच महाराष्ट्र मेडिकल असोसिएशनचे महाराष्ट्र राज्य अध्यक्ष डॉ. रवींद्र कुटे हे देखील श्रीरामपूर वरून आले होते. माँ नर्मदा परिक्रमा यशस्वी पूर्ण करणारे संपूर्ण महाराष्ट्रातील आय. एम. ए चे पहिले सदस्य तसेच संपूर्ण महाराष्ट्रातील पहिले नेत्ररोगतज्ञ ज्यांनी पायी पायी चालत 108 दिवसात तीन हजार सहाशे नऊ किलोमीटर अंतरपार करत पूर्ण केली. त्याबद्दल शाल, श्रीफळ आणि प्रमाणपत्र देत गौरव करण्यात आले.
यावेळी रेवा कुटी या ध्यानधारणा वास्तूचे भूमिपूजन करण्यात आले सोबत विविध वृक्षारोपण करण्यात आले. यावेळी गोदावरी फाउंडेशनचे अध्यक्ष डॉ. उल्हास पाटील यांनी देखील डॉक्टर नितु पाटील यांचा शाल, श्रीफळ देत सत्कार करून माँ नर्मदा परिक्रमाविषयी उपस्थित भाविकांना माहिती दिली.
वरणगावच्या इतिहासात पहिल्यांदाच शिवलिंग वाटपाचे कार्यक्रम झाला असल्याची भाविकांमध्ये चर्चा सुरू होती. कार्यक्रमाच्या यशस्वीते साठी कैलास तावडे, कपिल राणे, साजन गवळी, योगेश मगरे, दीपक फेगडे ,चेतन झोपे, सचिन इंगळे, सुयोग चौधरी, विवेक पाटील, निलेश खाचणे,रोहन भोई, सचिन महाजन, पराग कुरकुरे,प्रसन्न पाटील,पारस सरोदे, हर्षल बोलणारे, निलेश मालविया,महालक्ष्मी पाचपांडे सर्व मित्रमंडळींनी परिश्रम घेतले.
