जळगाव (प्रतिनिधी) ‘मनातील मित्र’ ग्रुपतर्फे शासकीय वैद्यकीय महाविद्यालयाच्या रुग्णालयासमोर कोरोना रुग्णांच्या नातेवाईकांना मठ्ठा वाटप करण्यात आला. ऐन कडक उन्हाळ्यात मठ्ठ्याचा आस्वाद आणि गारवा मिळाल्याने रुग्णांच्या नातेवाईकांनी समाधान व्यक्त केले.
शासकीय वैद्यकीय महाविद्यालयाच्या रुग्णालयासमोर कोरोना रुग्णांच्या नातेवाईकांची दिवसभर गर्दी असते. अनेक गरीब रुग्णांच्या नातेवाईकांंचे जेवण व पाण्यासाठी हाल होत आहे. ही समस्या लक्षात घेता ‘मनातील मित्र’ ग्रुपतर्फे रुग्णांच्या नातेवाईकांना मठ्ठा वाटप करण्यात आला. हा उपक्रम योगेश कलंत्री, विलास काबरा, ज्ञानेश्‍वर भोळे, अशोक माळी, नरेश मंधान, रामचंद्र पाटील, नीलेश लढ्ढा, महेश मणियार, रमेश मंधान, गणेश दास, किशन कुकरेजा, प्रमोद झवर आदींनी राबवला.
