पहूर (प्रतिनिधी) जामनेर तालुक्यातील तोंडापूर येथील एका घरातून चोरट्याने ५० हजार रोख रक्कमेसह कागदपत्रे चोरी केल्याची घटना समोर आली आहे. याप्रकरणी पहूर पोलीस ठाण्यात गणेश उत्तम जाधव (रा. तोंडापूर. जामनेर) याच्याविरुद्ध गुन्हा दाखल करण्यात आला आहे.
सुनीता सुरेश गायकवाड (वय ४५, रा. मामाजी टॉकीज महात्मा फुले नगर भुसावळ) यांनी दिलेल्या फिर्यादीनुसार, दि. २४ एप्रिल २०२२ रोजी गणेश उत्तम जाधव (रा. तोंडापूर. जामनेर) याने घरात अनाधिकृत पणे प्रवेश करुन घरात ठेवलेली पत्री पेटी व त्यातील ५०,००० रोख रुपये व कागदपत्र असे पेटीसह घरफोडी चोरी करुन नेले आहे. याप्रकरणी पहूर पोलीस ठाण्यात गणेश उत्तम जाधव (रा. तोंडापूर. जामनेर) याच्याविरुद्ध गुन्हा दाखल करण्यात आला आहे. तसेच पुढील तपास स.फौ. अनिल तुळशिराम सुरवाडे करीत आहेत.
