धरणगाव (प्रतिनिधी) भारतीय राज्यघटनेचे शिल्पकार डॉ. बाबासाहेब आंबेडकर यांच्या जयंतीच्या निमित्ताने महात्मा फुले ब्रिगेड महाराष्ट्र राज्य आणि संत सावता माळी युवक संघ यांच्या संयुक्त विद्यमाने धरणगाव नगरपालिकेकडून टँकर सॅनिटायझर फवारणी मोठा माळीवाडा परिसर येथे घरोघरी करण्यात आले. कोविड-१९ चा प्रादुर्भाव थांबवण्यासाठी एक प्रयत्नशील प्रयत्नाचे परिसरातून कौतुक करण्यात आले.
याप्रसंगी महात्मा फुले ब्रिगेडचे तालुकाध्यक्ष नरेंद्र महाजन, सावता माळी युवक संघाचे तालुकाध्यक्ष निलेश महाजन, शहर अध्यक्ष योगेश पाटील, महात्मा फुले ब्रिगेड युवक जिल्हाध्यक्ष मनोज महाजन, सचिव नितेश महाजन, विकी महाजन, विशाल माळी, आबा माळी, विनोद माळी यांनी स्वतः घरोघरी जाऊन सॅनिटायझर करण्यात आले. तसेच प्रभाग क्र १ नगरसेविका सुरेखा विजय महाजन यांचे अनमोल सहकार्य लाभले.