जळगाव (प्रतिनिधी) शहरातील अल्पसंख्यांक महासंघाच्यावतीने डॉ. वजाहत मिर्झा यांचे जळगावात स्वागत करण्यात आले. यांनतर एच.जे. थीम कॉलेज ऑफ आर्ट्स अँड सायन्सेस येथे कार्यक्रम आयोजित करण्यात आला होता. या कार्यक्रमाच्या अध्यक्षस्थानी डॉ. अब्दुल करीम सालार होते.
कार्यक्रमाची सुरुवात डॉ. कारि कुदुस यांनी पवित्र कुराणच्या पठणाने केले. कार्यक्रमाचे उद्देश आणि अध्यक्षीय भाषण डॉ.अब्दुल करीम सालार यांनी केले. त्यांनी जळगावच्या मुस्लिमांच्या सामाजिक, शैक्षणिक, राजकीय परिस्थिती या समस्या विषद करून दिली. विद्यार्थ्यांचे प्रवेश, शिक्षकांच्या रिक्त पदासाठीच्या समस्या अतिशय चांगल्या पद्धतीने सादर करण्यात आल्या.
डॉ. वजाहत मिर्झा यांनी आश्वासन दिले की, हे सर्व प्रश्न त्वरित सोडवले जातील. यावेळी पाचोरा येथील अझर खान यांनीही भाषण केले. अनसारी साहिब, युसूफ अन्सारी साहिब, औरंगाबाद टाइम्सचे पत्रकार औरंगाबाद यांनीही आपले मत व्यक्त केले. डॉ. इक्बाल शाह, एजाज अब्दुल गफ्फार मलिक, अब्दुल मजीद सेठ झकेरिया, डॉ. ताहिर शेख, अलहाज अमीन बदलीवाला, अब्दुल अजीज सालार, गनी भाई मेमन, मुश्ताक सालार तसेच डॉ. सैयद शुजात अली, डॉ. हरून बशीर, गुलाब शेख, संस्थेचे प्रमुख, अधिकारी, शिक्षक, प्राध्यापक, शहरातील मान्यवर आणि प्रमुख व्यक्ती सहभागी होते. डॉ. वकार शेख यांनी सूत्र संचालनाचे कर्तव्य आणि आभार प्रदर्शन सादर केले.
